އެޗްޕީޢޭގެ ތަފާސް ހިސާބުތަކަށް ބަލާއިރު މާލެ ސަރަހައްދުން އިއްޔެ ޕޮޒިޓިވްވީ 11 މީހުންނެވެ. މިއަދު ޕޮޒިޓިވްވީ 26 މީހުންނެވެ. އެއީ ޓެސްޓް ކުރެވުނު ސާމްޕަލްތަކުން ފެނިފައިވާ ނަތީޖާއެވެ.
މިހާރު ލިބޭ މައުލޫމާތަށްބަލާއިރު ޢަލާމާތްތައް ފެނުމުންވެސް ބޮޑުވަރު ނުވާނަމަ ކަރަންޓީނު ނުވާންވެގެން ޓެސްޓްކުރަން ބޭނުންނުވާ ގެތައް އެބަހުއްޓެވެ. މިއީ ވަރަށް ނުރައްކައުތެރިކަމެކެވެ. ބަލި ފެތުރިގެން ދިއުމަށް މަގުފަހިވެދާނެ ކަމެކެވެ.
ޓެސްޓްތަކުން ޕޮޒިޓިވްވާ އަދަދު މަދުވުމުން ބަލިން ސަލާމަތްވެވިއްޖެކަމަށް ނުވަތަ ނުރައްކަލެއް މިހާރު ނެތްކަމަށް ބަލައިގެން ޢަމަލުކުރަންފަށައިފިނަމަ އިތުރަށް ޙާލަތު ގޯސްވުމުގެ ފުރުޞަތު ބޮޑުކަން ޞިއްޙީ މާހިރުން ގެންދަނީ ފާހަގަކުރަމުންނެވެ.
