ސީޖީ އޯޕަން އެއިޓްބޯލް ބިލިއަރޑް ޓޯނަމަންޓްގެ ފުރަތަމަ ޑިވިޜަން ޒުބައިރަށް، ދެވަނަ ޑިވިޜަން މަފާޒަށް

ކަމިޝަނަރ ޖެނެރަލް އޮފް ކަސްޓަމްސްގެ ވާދައިގެ ތަށްޓަށް ކުޅެވޭ ފުރަތަމަ ސީޖީ އޯޕަން އެއިޓްބޯލް ބިލިއަރޑް ޓޯނަމަންޓްގެ ފުރަތަމަ ޑިވިޜަންގެ ޗެމްޕިއަންކަން ސީނިއަރ ކަސްޓަމްސް އޮފިސަރ 3 ޔޫސުފް ޒުބައިރު ކާމިޔާބުކޮށްފިއެވެ. ޒުބައިރު މުބާރާތް ކާމިޔާބުކުރީ ފައިނަލް މެޗުގައި ސީނިއަރ ކަސްޓަމްސް އޮފިސަރ 3 އާދަމް ސޮލާހާ ވާދަކޮށް، ކުޅުނު 5 ފްރޭމްވެސް ކާމިޔާބުކޮށްގެންނެވެ.

މިމުބާރާތުގެ ދެވަނަ ޑިވިޜަން ކާމިޔާބުކުރީ ފައިނަލް މެޗުގައި ސީނިއަރ ކަސްޓަމްސް އޮފިސަރ 3 އައިމިނަތު ހަލީމާ ވާދަކޮށް މޮޅުވި ސީނިއަރ ކަސްޓަމްސް އޮފިސަރ 1 އަލީ މަފާޒެވެ.

މުބާރާތް ނިންމުމަށްޓަކައި ރޭ ބޭއްވި ރަސްމިއްޔާތް ޝަރަފުވެރިކޮށްދެއްވީ މޯލްޑިވްސް ޕޫލް-ބިލިއަރޑް އެސޯސިއޭޝަންގެ ޓްރެޝަރަރ އަލްފާޟިލް އިސްމާޢިލް ރަޒީންއާއި ޑެޕިއުޓީ ކޮމިޝަނަރ އޮފް ކަސްޓަމްސް އަލްފާޟިލް އިސްމާޢިލް ޢަބްދުﷲއެވެ.

ކަސްޓަމްސް ރިކްރިއޭޝަން ކްލަބު (ސީ.އާރު.ސީ) ގެފަރާތުން އިންތިޒާމުކޮށްގެން ކުރިއަށް ގެންދިއަ މިމުބާރާތުގައި ތަފާތު 2 ޑިވިޜަނަކުންޖުމްލަ 62 އޮފިސަރުން ބައިވެރިވިއެވެ. އެއީ ފުރަތަމަ ޑިވިޜަންގައި 22 އަދިދެވަނަޑިވިޜަންގައި 42 އޮފިސަރުންނެވެ.