މާލެ ސަރަހައްދުގެ ސްކޫލްތައް އިތުރު ދެ ހަފްތާ އަށް ބަންދު ކުރަން އެޑިއުކޭޝަން މިނިސްޓްރީން ނިންމައިފިއެވެ.
މިކަމާގުޅިގެން އެޑިއުކޭޝަން މިނިސްޓްރީން މިއަދު ބުނެފައިވަނީ ކޯވިޑް-19 ގެ ހާލަތަށް ރިޢާޔަތްކޮށް، ހެލްތް ޕްރޮޓެކްޝަން އެޖެންސީ އާއި ކަމާބެހޭ ފަރާތްތަކުގެ ލަފާގެ މަތިން، މާލޭ ސިޓީގެ ސްކޫލްތަކުގައި ކުރިއަށްއޮތް 2 ހަފްތާގައި ވެސް ކިޔަވައިދިނުން އޮންލައިންކޮށް ކުރިއަށް ގެންދިއުމަށް ނިންމާފައިވާ ކަމަށެވެ.
ދެ ހަފްތާ ފަހުން މި ނިންމުން މުރާޖަޢާ ކުރެވޭނެ ކަމަށް ވެސް އެޑިއުކޭޝަން މިނިސްޓްރީން ވަނީ ބުނެއެވެ.
ރާއްޖޭގައި ކޯވިޑް-19 ހަލުވިކަމާއކު ފެތުރެމުން ދިއުމައި ގުޅިގެންސްކޫލްތައް ބަންދުކުރުމަށްފަހު ޖުލައި މަހުގެ އެއްވަނަ ދުވަހު އަލުން ހުޅުވި ނަމަވެސް ކޮވިޑް ހަލުވިކަމާއެކު ފެތުރެމުން އަންނާތީ ސްކޫލްތައް ވަނީ މިދިޔަ މަހުގެ ކުރީކޮޅު އަނެއްކާވެސް ބަންދުކޮށްފައެވެ.
