"ދީނީ ހަރުކަށި ތަކްފީރު އާއި ދެކޮޅު ހެދުމަކީ ލާދީނީ ފިކުރަށް ތާއީދު ކުރުމެއް ނޫނެވެ. އަދި ލާދިނީ ފިކުރާ ދެކޮޅުވުމަކީ ހަރުކަށި ތަކްފީރީ ފިކުރަށް ތާއީދު ކުރުމެއްވެސް ނޫނެވެ. އެ ދެބައަށްވެސް އަޅުގަނޑުމެން ދެކޮޅެވެ. މިދެ ބައަށްވެސް އިސްލާމް ދީނުގައި ޖާގައެއް ނެތެވެ."
- ޝައިޚް މުޙައްމަދު އަނީލް
ރާއްޖޭގެ ހުރިހާ ޢިލްމުވެރިންވެސް ބަޔާން ކުރައްވަމުން ގެންދަވަނީ މިފަދައިންނެވެ. ނަމަވެސް ހިތާމައަކީ މިސްކިތަށް އަރައި ނަމާދުކުރުމަކީ ހަރުކަށި ތަކްފީރީ ފިކުރުގެ މީހުން ކުރާ ކަމެއް ކަމަށް ދައްކަން ބައަކު ރާވައިގެން މަސައްކަތްކުރާކަމެވެ.
ޤަބޫލުކުރަން ޖެހޭ ޙަޤީޤަތަކީ މުސްލިމް ފިރިހެނުންނަކީ ޖަމާއަތުގައި ނަމާދުކުރަން ޖެހޭ ކަމެވެ. ބާލިޣްވުމުން ޖަމާއަތުގައި ބައިވެރިވާން ޖެހޭނެ ކަމެވެ.
