ތިން ރަށެއްގައި ހިންގާ މަޝްރޫއުތަކަށް ހޯމް މިނިސްޓްރީން ފައިސާގެ އެހީ ދިނުމުގެ އެއްބަސްވުންތަކުގައި އެރަށްތަކުގެ ކައުންސިލްތަކާއެކު މިއަދު ސޮއިކޮށްފިއެވެ.
މިއަދު ފައިސާގެ އެހީ ދިނުމަށް ސޮއިކުރީ ޅ. އޮޅުވެލިފުށި ކައުންސިލާއި، އއ. ފެރިދޫ ކައުންސިލާއި، އަދި ފ. މަގޫދޫ ކައުންސިލެވެ.
އޮޅުވެލިފުށި ކައުންސިލާއެކު ޤަބުރުސްތާނު ވަށާފާރު ރޭނުމަށް ފައިސާގެ އެހީ ދިނުމަށް ސޮއިކުރި އިރު ހޯމް މިނިސްޓްރީން ވަނީ 235،643 ދިނުމަށް ނިންމާފަ އެވެ. އަދި އއ. ފެރިދޫ ކައުންސިލާއެކު ސޮއިކުރީ ތިން ލައްކަ ރުފިޔާއަށް އެ ރަށުގައި ކުޑަކުދިންގެ ޕާކެއް އެޅުމަށް ފައިސާގެ އެހީދިނުމަށެވެ. މީގެއިތުރުން ފ. މަގޫދޫ މަގުބައްތި މަރާމަތް ކުރުމުގެ މަޝްރޫއަށް މިނިސްޓްރީން ތިން ލައްކަ ރުފިޔާ ދިނުމަށް ވަނީ ސޮއިކޮށްފައެވެ.
މި އެއްބަސްވުންތަކުގައި ހޯމް މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރ އަލީ ނަޛީރުއެވެ.
ޅ.އޮޅުވެލިފުށި ޤަބުރުސްތާން ވަށާފާރު ރޭނުމަށް ފައިސާ ހަވާލުކުރުމުގެ އެއްބަސްވުމުގައި ސޮއިކުރުން.
— Home Ministry, MV (@HomeMinistrymv) August 19, 2019
ހޯމް މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރ އަލީ ނަޛީރު.
އޮޅުވެލިފުށި ކައުންސިލްގެ ފަރާތުން ސޮއިކުރެއްވީ ކައުންސިލްގެ ނައިބު ރައީސް ޢަބުދުލް ޢަޒީޒު މުޙައްމަދު. pic.twitter.com/UmikjDDQyt
