ސްރީލަންކާއަކީ ހަމައެކަނި ރާއްޖޭގެ އަވަށްޓެރިއެއް ނޫން ކަމަށާއި ރާއްޖެ އާއި ސްރީލަންކާއަކީ އެއް ޢާއިލާއެއް ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
އެމަނިކުފާނު މިމޭރުމުން ވިދާޅުވެފައިވަނީ ސްރީލަންކާއަށް އެމަނިކުފާނު ކުރެއްވެވި ރަސްމީ ދަތުރުފުޅާއި ގުޅިގެން އެޤައުމުން އެރުވި މެހްމާންދާރީއަށް ޝުކުރު އަދާކުރައްވައި ރައީސް އަށާއި ބޮޑުވަޒީރަށް އަދި އެ ޤައުމުގެ ރައްޔިތުންނަށް ޝުކުރު އަދާކުރައްވައި ކުރައްވާފައިވާ ޓްވީޓެއްގައެވެ.
ދެ ޤައުމު ގުޅިގެން ރައްޔިތުންގެ ފައިދާ އާއި ކުރިއެރުމަށް މަސައްކަތް ކުރައްވާނެ ކަމަށް ވެސް ރައީސް އިބްރާހީމް މުޙައްމަދު ޞާލިޙް ވިދާޅުވެފައިވެއެވެ.
Thank you H.E @MaithripalaS, H.E. @RW_UNP and the people of Sri Lanka for the excellent hospitality during my recent visit. For Maldivians, Sri Lankans are more than just neighbors- they are family. We will continue working together for prosperity and progress of our peoples.
— Ibrahim Mohamed Solih (@ibusolih) February 6, 2019
