ރައްޔިތުންގެ މަޖިލީހުގެ ރ. އުނގޫފާރު ދާއިރާގެ ކުރީގެ މެމްބަރ އަދި މަޝްހޫރު ދީނީ ޢިލްމުވެރިޔާ ޑރ. އަފްރާޝީމް އަލީ ގެ މަރާއި ގުޅިގެން އެއިރު ހޯދަން އިއުލާނު ކުރި ދެ މީހުންނާއި ގުޅޭގޮތުން ވަރަށް ގިނަ މައުލޫމާތުތަކެއް ހޯދިއްޖެކަމަށް، ގޮތްނޭނގޭ މަރުތަކާއި ވީނުވީއެއް ނޭނގި ގެއްލިފައިވާ މީހުންގެ މައްސަލަތައް ތަހުގީގު ކުރާ ރިޔާސީ ކޮމިޝަނުން ހާމަކޮށްފިއެވެ.
އެކޮމިޝަނުގެ ރައީސް ހުސްނުއްސުއޫދް ވިދާޅުވީ، އެދެމީހުންނާއި ގުޅޭ މައުލޫމާތު ވަރަށް ގިނަ މީހުން ހިއްސާ ކޮށްފައިވާ ކަމަށާއި ކަމާއިބެހޭ ފަރާތްތަކާއި ގުޅިގެން އެމައްސަލަ އިތުރަށް ތަހުގީގު ކުރަމުން އަންނަ ކަމަށެވެ.
ޑރ. އަފްރާޝީމް ގެ މަރުގެ މައްސަލަ ތަހުގީގު ކުރުމަށް އެކޮމިޝަނުން ވަނީ މިދިޔަ މަހުގެ 21 ވަނަ ދުވަހު ސީސީޓީވީ ވީޑިއޯއެއް އާއްމުކޮށްފައެވެ. އަދި އެވީޑިއޯއިން ފެންނަ ދެމީހުންނާއި ބެހޭގޮތުން އެއްވެސް މައުލޫމާތެއް ލިބިފައިވާކަމަ ކޮމިޝަނާއި ހިއްސާ ކުރެއްވުމަށް ވެސް އެދިފައިވެއެވެ.
ވީޑިއޯއިން ފެންނަނީ މަގެއްގެ އެއް ފަރާތުގައި މީހަކު ސައިކަލެއްގައި މަޑުކޮށްލައިގެން އިންދައެވެ. އޭގެ އިރުކޮޅެއް ފަހުން އެހެން ސައިކަލެއްގައި މީހަކު އައިސް، ކުރިން ސައިކަލުގައި އިން މީހާގެ ފަހަތުގައި މަޑުކޮށްލުމާއެކު، އެމީހާއާއި ދިމާލަށް ބަލާލާފައި ކުރީގައި އިން މީހާ އެތަނުން ދެއެވެ.
ރިޔާސީ ކޮމިޝަނުން އާންމުކޮށްފައިވާ ވީޑިއޯއިން ފެންނަނީ ޑރ. އަފްރާޝިމް ދިރިއުޅުއްވި ހ. ފުންވިލް ކައިރީގައި ހުންނަ ކްރަސްޓީސް ރެސްޓޯރަންޓްގެ ހުޅަނގެވެ. ނަމަވެސް ވީޑިއޯ ނުސާފުވުމުގެ ސަބަބުން އެދެމީހުންގެ ސިފައެއް އަދި ސައިކަލު ނަންބަރެއް ވެސް ސާފުވާގޮތެއް ނުވެއެވެ.
މީގެ ހަ އަހަރަށްވުރެ ގިނަ ދުވަސް ކުރިން 2012 ވަނަ އަހަރުގެ އޮކްޓޯބަރ މަހުގެ 2 ވަނަ ދުވަހު، ޑރ. އަފްރާޝީމް އަވަހާރަ ކޮށްލާފައިވާއިރު، އެމައްސަލައާއި ގުޅިގެން ދެ މީހެއްގެ މައްޗަށް ދައުވާ ކުރިއެވެ. ނަމަވެސް އޭގެ ތެރެއިން އެމައްސަލަ ސާބިތުވީ ހ. ލޮބީ ޙުސެއިން ހުމާމު ގެ މައްޗަށް އެކަންޏެވެ.
މަރުގެ މައްސަލަ ބަލާ ކޮމިޝަނުން އަންނަނީ ދިވެހި ސައިންސްވެރިޔާ ޕްރޮފެސަރު ހަސަން އުގެއިލްގެ އިތުރުން ބޭރުގެ ފަރާތްތަކުގެ އެހީގައި 24 މައްސަލައެއް ބަލަމުންނެވެ. އެ މައްސަލަތަކުގައި ބޮޑެތި ކުރިއެރުންތަކެއް ލިބިފައިވާ ކަމަށް ކުރިން ބުނެފައި ވެ އެވެ.
Mi video gai faahaga kohfaivaa 2 meehunnakee mi commission in balamundhaa massala akaa gulhigen hoadhamundhaa 2 mehunneve. Mi 2 meehunnaa behey evves mauloomaatheh libivadaigenfaivaa nama mi commission ah hissaa kurevvun edhen. Gulhuvvaanee Ph: 3015794. E: [email protected] pic.twitter.com/UMmEo3KTkh
— Commission on Disappearances and Deaths (@DdcomMdv) January 21, 2019
