ކުޑަކުދިންނަށް ލޯބިކުރުމަކީ އިސްލާމް ދީނުގައި މަތިވެރި ވާޖިބެކެވެ. އެ ވާޖިބު އަދާކުރެއްވުމުގައި އިތުރު މާތް ނަބިއްޔާ (ޞޢވ) ވަނީ އެކަމުގައި މުޅި އުންމަތަށް ނަމޫނާ ދައްކަވައިފައެވެ.
މިމާތް ސިފަ ރާއްޖޭގެ ސިޔާސީ ބޭފުޅުންގެ ތެރެއިން ފެންނަންވާވަރަށް މިހައިތަނަށް ފެނިފައި އޮތްކަމަށް ޤަބޫލު ނުކުރެވުނު ނަމަވެސް ރަސޫލް (ޞޢވ)ގެ އެ މަތިވެރި ސުންނަތަށް ޢަމަލުކުރެއްވުމުގައި ރައީސް އިބްރާހީމް މުޙައްމަދު ޞާލިޙް ނަމޫނާ ދައްކަވަމުން ގެންދަވާކަން ފާހަގަކޮށް އެކަމަށްޓަކައި ގިނަ ބައަކު ދަނީ އެމަނިކުފާނަށް ތަޢްރީފް ކުރަމުންނެވެ.
މީސްތަކުންގެ މައްޗަށް ޚާއްޞަކޮށް އުމުރުން ދުވަސްވީ މީހުންނަށާއި ކުޑަކުދީންނަށާއި އަންހެނުންނަށް ލޯބިކުރުމާއި ލޯބި ދިނުމަކީ އަދި އޯގާތެރިވުމަކީ އިސްލާމް ދީން ނުހަނު ބޮޑަށް ބާރު އަޅާ ކަންކަމެވެ.
ސޯޝަލް މީޑިއާގައި ދައުރުކުރާ ރައީސް އިބްރާހީމް މުޙައްމަދު ޞާލިޙްގެ ފޮޓޯފުޅުތަކަށް ބެލި ނަމަވެސް އަދި އެމަނިކުފާނުގެ ނައިބް ފައިޞަލް ނަސީމްގެ ފޮޓޯ ފުޅުތަކަށް ބެލިނަމަވެސް މިފަދަ ގިނަ ފޮޓޯތައް ދަނީ ފެންނަމުންނެވެ. ރައީސްގެ ލަންކާ ދަތުރުފުޅާއި ގުޅިގެންވެސް އެންމެ ގިނަ ބައެއްގެ ސަމާލުކަން ހުއްޓިފައިވަނީ ކުޑަކުދިންނާއިއެކު ނަންގަވާފައިވާ ފޮޓޯފުޅުތަކަށްކަން ފާހަގަކުރެވެއެވެ.
މީސްތަކުންނަށް ލޯބި ކުރުމާއި ހިނިތުންވުމަކީ އޯގާތެރިކަން ހިތުގައި ނުވާ މީހުންނަށް ކުރަން އެހައި ފަސޭހް ކަމެއް ނޫނެވެ. ގަދަކަމުން ހޭން އުޅުމުން އެއް އަތަށް އަނގަ އޮރިދެމުން ފަދަ ގޮތްތައް މެދުވެރިވަނީ އެހެންވެގެންނެވެ.
