ލިޔުނީ: ޒިދާން މުހައްމަދު
ހައްޖު ކޯޕަރޭޝަންގެ ފަރާތުން މާރިޗު މަހުގެ އުމްރާގައި ބައިވެރިވާ ފަރާތްތަކަށް ބޮޑެތި ޑިސްކައުންޓްތަކެއް ލިބޭނެކަން، އެ ކޯޕަރޭޝަނުން ހާމަކޮށްފިއެވެ. މިކަން ހާމަހޮށްފައި ވަނީ އެ ކޯޕަރޭޝަނުން ކޮށްފައިވާ ޓްވީޓެއްގައެވެ.
ހައްޖު ކޯޕަރޭޝަނުން ބުނީ، ފެބްރުއަރީ މަހުގެ 14 ވަނަ ދުވަހުގެ 1:00 ގެ ކުރިން، އުމްރާއަށް ދާން ފައިސާ ދައްކާ ފަރާތްތަކަށް، ޑިސްކައުންޓްތަކެއް ލިބުމުގެ ފުރުސަތު އެބައޮތް ކަމަށެވެ. އެ ގޮތުން، އެ ކޯޕަރޭޝަންގެ ފަރާތުން ހާމަކުރި ޑިސްކައުންޓްތަކުގެ ތަފަސީލް ތިރީގައި އެވަނީ އެވެ.
ހައްޖު ކޯޕަރޭޝަން މާރިޗު އުމްރާ ޑިސްކައުންޓް:
- 4 ބޭފުޅުން ނުވަތަ އެއަށް ވުރެ ގިނަ ބޭފުޅުން ރަޖިސްޓްރީ ކުރައްވާނަމަ މީހަކަށް 1000 ރުފިޔާގެ ޑިސްކައުންޓް.
- 10 ބޭފުޅުން އެއްފަހަރާ ރަޖިސްޓްރީ ކުޜާ ނަމަ، 11 ވަނަ ބޭފުޅަކަށް ޖުމުލަ އަގުގެ 50 އިންސައްތަ ޑިސްކައުންޓް.
- 12 އަހަރުން ދަށުގެ ކުޑަކުދިންނަށް 4000 ރުފިޔާގެ ޑިސްކައުންޓް
މީގެ އިތުރުން، އެ ކުންފުނީގެ ބެއްލެވުމުގެ ދަށުން އުމްރާއަށް ވަޑައިގަންނަވާ ބޭފުޅުންނަ، އާއްމު އުސޫލުން، ފޮށި، އަތްދަބަސް، ރީތިވާ ދަބަސް، އުނަގަނޑު ދަބަސް، އިހުރާމް ހެދުން، އަދި ދުއާ ފޮތްތައް ދޭނެ ކަމަށް އެ ކޯޕަރޭޝަނުން ކޮށްފައިވާ ޓްވީޓުގައި ބުނެފައި ވެއެވެ. އެ ކުންފުނީގެ ފަރާތުން އުމްރާއަށް ދާ ބޭފުޅުންގެ އަތުން ނަގާ ޖުމުލަ އަގަކީ 22965 ރުފިޔާއެވެ. ނަމަވެސް، މަތީގައި ބަޔާން ކުރެވުނު ތާރީހުގެ ނިޔަލަށް ރަޖިސްޓްރީ ކުރާ ފަރާތަތަކަށް ޑިސްކައުންޓް ލިބޭނެއެވެ.
