ރާއްޖޭގެ ފޮރެން މިނިސްޓަރ އަބްދުﷲ ޝާހިދު، އދ. ގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒް އާއި މިއަދު ބައްދަލު ކުރައްވައިފިއެވެ.
އެމެރިިކާގެ ނިއުޔޯކަށް ވަޑައިގެން ހުންނެވި މިނިސްޓަރ ޝާހިދު ވަނީ ބޭރުގެ ބައެއް ޤައުމުތަކުގެ ވަޒީރުންނާއި ސަފީރުންނާއު ބައްދަލު ކުރައްވާ، ރާއްޖެއާއި އެޤައުމުތަކާ ދެމެދު އެކި ދާއިރާތަކުން ގުޅުން ބަދަހި ކުރުމާއި ގުޅޭ ގޮތުން މަޝްވަރާތަކެއް ކުރައްވާފައެވެ.
ފޮރިން މިނިސްޓްރީން މައުލޫމާތު ދިން ގޮތުގައި އދ. ގެ ސެކްރެޓަރީ ޖެނެރަލްއާއިއެކު ބޭއްވި ބައްދަލުވުމުގައި މޫސުމަށް އަންނަމުންދާ ބަދަލުތަކާއި ދެމެހެއްޓެނިވި ތަރައްޤީގެ ކަންކަމުގައި އަޑުއުފުލާނެ ކަމަށް ޝަހިދު ވިދާޅުވިއެވެ.
އދ. ގެ ސެކްރެޓަރީ ޖެނެރަލްގެ އިތުރުން ފޮރެން މިނިސްޓަރ ޝާހިދު ވަނީ އދ. ގެ އެސިސްޓެންޓް ސެކްރެތަރީ ޖެނެރަލް މިރޮސްލާވް ޖެންކާ އާއިވެސް ބައްދަލު ކުރައްވާފައެވެ.
އެނގިފައިވާ ގޮތުގައި، ނިއުޔޯކަށް ކުރެއްވި ދަތުރުފުޅު ނިންމަވާލެއްވުމަށްފަހު ޝާހިދު ދެން ވަޑައިގެންނަވާނީ ލަންޑަނަށެވެ.
