އަވަސް އަރުވާލައިގެން ބަރުލަމާނީ ނިޒާމަކަށް ރާއްޖޭގެ ވެރިކަން ބަދަލުކޮށްލަން މަސައްކަތް ކުރާ މީހުން އެއުޅެނީ އަޞްލުގައި ރައީސް އިބްރާހީމް މުޙައްމަދު ޞާލިޙްގެ ވެރިކަން ހިމޭން ބަޣާވާތަކުން ވައްޓާލަން ކަމަށާއި އެކަން ކުރުމަށް ފުރުޞަތު ދީގެން ނުވާނެ ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.
ޝައިޚް ޢަލީ ޒައިދު ވިދާޅުވީ ރާއްޖޭގެ ވެރިކަން ބަރުލަމާނީ ނިޒާމަކަށް ބަދަލުކޮށްފިނަމަ 5 އަހަރުން އެއްފަހަރު ރައްޔިތުންނަށް ލިބޭ ސީދާ ވޯޓުލުމުގެ ހައްޤުވެސް އެއިރުން ގެއްލުނީ ކަމަށާއި އެހިސާބުން ރާއްޖެ ދެން އަތުނުވާނެ ކަމަށެވެ.
"އަވަހަށް ބަރުލަމާނީ ނިޒާމަކަށް ރާއްޖެ ގެންދަން މަސައްކަތް ކުރާ މީހުން އެއުޅެނީ އަޞްލު ރައީސް އިބްރާހީމް މުޙައްމަދު ޞާލިޙްގެ ވެރިކަން ހިމޭން ބަޣާވާތަކުން ވައްޓާލަން. މިކަން ވިޔަދީގެން ނުވާނެ! 5 އަހަރުން އެއްފަހަރު ރައްޔިތުންނަށް ލިބޭ ސީދާ ވޯޓުލުމުގެ ހައްޤުވެސް ގެއްލުނީ އޭރުން. އޭރުން ރާއްޖެ ދެން އަތުނުވާނެ!"
Avahah Barulamaanee nizaamakah raajje gendhan masahkai kuraa meehun e ulhenee aslu Raees @ibusolih ge verikan 'himeyn' baghaavaathakun vattaalan! Mikan viyadeegen nuvaane! 5 aharun ehfaharu rayyithunnah libey direct vote ge hagguves gellunee eyrun. Eyrun raajje den athu nuvaane!
— Ali Zaid (@alizaid1000) January 24, 2019
