މިއަހަރުގެ ކިޔެވުން ފެށުމާއިއެކު މިވަނީ ވަރަށް އުފާވެރި މަންޒަރެއް ފެންނަން ފަށައިފައެވެ. ބޮޑު ޖަމާއަތް ހަދައި ނަމާދުކުރާ މަންޒަރެވެ! ސްކޫލްތަކުގައި މިކަން ކުރަން ތަންކޮޅެއް ކުރިންވެސް ފެށިއެވެ. ނަމަވެސް ހުލިކުރަމުން ގެންގޮސް ބޮޑު ނިގުލަށް ހުސްކޮށްލީއެވެ.
ފަހުގެ ތާރީޚުގައި ރާއްޖޭގެ ސްކޫލްތަކުގައި ނަމާދުކުރުވުމުގެ ޙަރަކާތް ކުރިއަށް ގެންދަވަން ފެށްޓެވީ އަލްއުސްތާޛް ޢަބްދުﷲ ހަމީދުގެ ތައުލީމީ ވަޒީރުކަމުގައެވެ. (މަރްޙޫމްގެ ފުރާނައަށް މާތްﷲ ހެޔޮ ރަހްމަތް މިންވަރުކުރައްވަވާށި! އާމީން) އެމަނިކުފާނަށް ފަހުން ވަޑައިގެންނެވި ތައުލީމީ ވަޒީރުން އެކަމަށް އެކަށީގެންވާ ސަމާލުކަން ދެއްވިކަމަށް ބުނެވޭކަށް ނެތެވެ.
ހަމަ އެއާއިއެކު ފައުޅުގައި މިދިއަ އަހަރުވެސް ނަމާދުކުރުމަށް ބައެއް ސްކޫލްތަކުން ފުރައްސާރަކޮށް ޖެއްސުންވެސް ކުރިއެވެ. ދެ ނަމާދު ދޭތެރޭގައި ދަރިވަރުން ސްކޫލްތަކަށް ގެންގޮސް 8.30، 9.00 ޖަހަންދެން ސްކޫލުތަކުގައި ގެންގުޅުނެވެ. ކެޑޭޓާއި ސްކައުޓު، ގައިޑް ފަދަ ހަރަކާތްތައް ހިންގުމުގެ ނަމުގައެވެ. ބައެއް ބޮޑެތި ސްކޫލުތަކުގައި ކޮންމެ ރެއަކު 8:00 އަށް ދަރިވަރުން ސްކޫލަށް ދާން ޖެއްސުމުން ދަރިވަރުންނަށް ދާން ޖެހުނީ ޢިޝާ ނަމާދު ނުކޮށެވެ. އަދި މިގޮތަށް ގެންދިއުމަށްފަހު ގިނަ ރޭރޭ ޙަރަކާތް ފަށަނީ ވެސް ސޯ ލަސްވެގެން 8.30 ހައި އިރުއެވެ.
އެހެންކަމުން މިއަހަރު މިފަދަ ލާދީނީ ހަރަކާތްތައް ސްކޫލްތަކުން ނުހިންގާނެ ކަމަށް އުންމީދުކުރާ ކަމަށް ބައެއް ބެލެނިވެރިން ދަނީ ބުނަމުންނެވެ.
މިކަމުގައި ބެލެނިވެރިންގެ ދައުރުވެސް ވަރަށް ބޮޑެވެ. ޚާއްޞަކޮށް ކުދިން ލައްވައި ފަތިސް ނަމާދު ކުރުވުމުގައެވެ. ސްކޫލް ވަގުތު ނޫން ވަގުތުތަކުގައި ނަމާދު ކުރުވުމުގައެވެ.
