ނ.މާފަރު އެއާޕޯޓް ތަރައްގީ ކުރުމަށް އެހީތެރިކަން ފޯރުކޮށްދީފައިވާ އަބޫދާބީ ފަންޑް ފޯ ޑިވެލޮޕްމަންޓް (އޭޑީއެފްޑީ) ބައްދަލުކުރެއްވުމަށް ޓްރާންސްޕޯޓް މިނިސްޓަރު އައިޝަތުނަހްލާ މިއަދު އަބޫދާބީއަށް ފުރާވަޑައިގަތުމަށް ހަމަޖެހިއްޖެއެވެ.
އެގިފައިވާ ގޮތުން، މި ދަތުރުފުޅަކީ އަބޫދާބީ ފަންޑް ފޯ ޑިވެލޮޕްމަންޓް (އޭޑީއެފްޑީ) ގެ ދައުވަތަކަށް އެކަމަނާ ކުރައްވާ ދަތުރުފުޅެކެވެ. އަދި މިނިސްޓަރުގެ މިދަތުރުފުޅަކީ މާފަރު އެއާޕޯޓާ ގުޅޭގޮތުންނާއި، ރާއްޖޭގެ ދަތުރުފަތުރުގެ ދާއިރާ އިތުރަށް ތަރައްގީ ކުރުމަށް ބޭނުންވާ އެހީތެރިކަން ހޯދުމަށް މަޝްވަރާ ކުރެއްވުމަށް ކުއްވާ ހާއްސަ ދަތުރުފުޅެކެވެ.
މީގެ އިތުރުން، ފާހަގަކޮށްލަންޖެހޭ ކަމަކީ، މިނިސްޓަރ އައިޝާ އަބޫދާބީ އަށް ވަޑައިގަތުމަށް ނިންމަވާފައި މިވަނީ މާފަރު އެއާޕޯޓް ތަރައްގީ ކުރުމަށް ކުރީގެ ރައީސް އަބްދުﷲ ޔާމީން ގެ ވެރިކަމުގައި ހަވާލުކޮށްފައިވާ ސިންގަޕޫރުގެ ކުންފުންޏާއި މާފަރު އެއާޕޯޓް ތަރައްގީ ކުރުމުގެ މަސައްކަތް ކުރި އިރު ސަބްކޮންޓަރެކްޓަރު (ޖީކޭޑީ) އާދެމެދު ފައިސާގެ ބޮޑެތި މައްސަލަ ތަކެއް ޖެހި އެއާޕޯޓް ތަރައްގީ ކުރުމުގެ މަސައްކަތް ހުށްޓުމަކަށް އައިސްފައިވާ ދަނޑިވަޅެއްގަ ކަމެވެ.
މާފަރު އެއާޕޯޓް އެއްކޮން ތަރައްގީކޮށް ނުނިމެނީސް ކުރީގެ ރައީސް ޔާމީން ގެ ވެރިކަމުގައި ވަނީ މިއެއާޕޯޓަށް ޓެސްޓްފްލައިޓް ޖައްސާ، ރަސްމީކޮށް ހުޅުވާފައެވެ.
