ރައީސް އިބްރާހީމް މުޙައްމަދު ޞާލިޙް، މިއަދު ހެނދުނު މާޅޮސްމަޑުލު އުތުރުބުރީ ދުވާފަރަށް ވަޑައިގެންފިއެވެ.
ރައީސް ޞާލިޙް ދުވާފަރަށް ފައިބައިވަޑައިގެންނެވުމާއެކު އެރަށު ރައްޔިތުންގެ ފަރާތުން ވަރަށް ހޫނު މަރުޙަބާއެއް އެމަނިކުފާނަށް ދެންނެވިއެވެ.
ރައީސުލްޖުމްހޫރިއްޔާގެ މި ދަތުރުފުޅުގައި އެއްބައިވަންތަކަމުގެ ދުވަސް ފާހަގަ ކުރުމަށް ދުވާފަރުގައި ބާއްވަވާ ޖަލްސާގައި ބައިވެރިވެވަޑައިގަތުމަށް ވަނީ ހަމަޖެހިފައެވެ. އަދި، ކުޑަދޫ އައިލެންޑް ރިޒޯޓް ހުޅުއްވައިދެއްވުމުގެ އިތުރުން ހެނބަދޫއަށް ވަޑައިގެން އެރަށުގެ ނަރުދަމާ ނިޒާމުގެ ޚިދުމަތް ފަށްޓަވައިދެއްވުމަށްވެސް ވަނީ ހަމަޖެހިފައެވެ.
މި ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ މާދަމާ މާލެ ވަޑައިގަތުމަށް ވަނީ ހަމަޖެހިފައެވެ.
