މިއަދު ފާހަގަކުރާ ގައުމީ އެއްބައިވަންތަކަމުގެ ދުވަހުގެ ރަސްމީ ޖަލްސާ ރ. ދުވާފަރުގައި ބާއްވަން ހަމަޖެހިއްޖެ އެވެ.
އެއްބައިވަންތަކަމުގެ ދުވަހުގެ ގޮތުގައި ކޮންމެ އަހަރެއްގެ ވެސް ޑިސެމްބަރު މަހުގެ 26 ވަނަ ދުވަސް ފާހަގަކުރަން ފެށީ، 2004 ވަނަ އަހަރު ރާއްޖެއަށާއި އިންޑިއާ ކަނޑުގެ އެހެން ބައެއް ގައުމުތަކަށް ކުރިމަތިވި ވަރުގަދަ ސުނާމީ ކާރިސާގައި އެތައް ބަޔަކު ހާލުގައި ޖެހުނުއިރު ދިވެހިން ދެއްކި އެއްބައިވަންތަކަމުގެ ހަނދާން އާކުރުމަށެވެ.
އެގޮތުން ދުވާފަރަކީ އެ ސްނާމީގައި މުޅިން ވީރާނާވެ، ކަނދޮޅުދޫގެ ރައްޔިތުން އާބާދުކުރި ރަށެެކެވެ.
މައުލޫމާތު ލިބިފައިާ ގޮތުގައި، އެއްބައިވަންތަކަމުގެ ދުވަސް ފާހަގަ ކުރުމުގެ ރަސްމީ ޖަލްސާގައި ބައިވެރިވެލެއްވުމަށް ހޯމް މިނިސްޓަރ ޝައިޚް އިމްރާން އަބްދުﷲ މިހާރު ވެސް ހުންނެވީ ދުވާފަރުގައެވެ. އަދި މިޖަލްސާގައި ރައީސް އިބްރާހިމް މުޙައްމަދު ޞާލިޙާއި ޑިފެންސް މިނިސްޓަރ މާރިޔާ އަހުމަދު ދީދީވެސް ބައިވެރިވެ ވަޑައިގަންނަވާނެއެވެ.
