ހދ. ކޭލަކުނާއި، ހދ. ނޭކުރެންދޫ އަދި ހއ. ބާރަށުގެ ކުޅި ހިމެނޭ ސަރަޙައްދަކީ ހިމާޔަތްކޮށްފައިވާ ސަރަޙައްދުތަކެއް ކަމަށް ރައީސް އިބްރާހިމް މުޙައްމަދު ޞާލިޙު ކަނޑައަޅުއްވައިފިއެވެ.
އެގޮތުން ރައީސް ޞާލިޙު ވަނީ ހދ. ކޭލަކުނާއި އެ ރަށުގެ ވަށައިގެންވާ ފަރާއި ފަޅުގެ ސަރަހައްދާއި، އެ އަތޮޅުގެ ނޭކުރެންދޫގެ ކުޅި، ފާ، ޗަސްބިން ސަރަޙައްދާއި އަދި ހއ. ބާރަށުގެ ކުޅި، ފާ، ޗަސްބިން ސަރަހައްދަކީ، ހިމާޔަތްކޮށްފައިވާ ސަރަހައްދުތަކެއް ކަމުގައި ކަނޑައަޅުއްވާފައެވެ.
މިތިން ރަށުގެ ބައެއް ތަންތަން ހިމާޔަތް ކުރައްވަން ރައީސް ނިންމެވީ މިއަދު އޮތް ވަޒީރުންގެ މަޖިލީހުގެ ލަފާގެ މަތިންނެވެ. މިއަދު ބޭއްވުނު ވަޒީރުންގެ މަޖިލީހުގައި ހދ. ކޭލަކުނާއި އެ ރަށުގެ ވަށައިގެންވާ ފަރާއި ފަޅުގެ ސަރަހައްދާއި، އެ އަތޮޅުގެ ނޭކުރެންދޫގެ ކުޅި، ފާ، ޗަސްބިން ސަރަޙައްދާއި އަދި ހއ. ބާރަށުގެ ކުޅި، ފާ، ޗަސްބިން ސަރަހައްދު ހިމާޔަތް ކުރުމާ ބެހޭ ގޮތުން މިނިސްޓްރީ އޮފް އެންވަޔަރަންމަންޓުން ހުށަހެޅި ކަރުދާހަކަށް ވަނީ މަޝްވަރާކޮށް، އެތަންތަން ހިމާޔަތް ކުރުމަށް ރައީސަށް ލަފާ އަރުވާފައެވެ.
