ހައްޖުކޯޕަރޭޝަނާއި، ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެމެނޭޖިންޑިރެކްޓަރ (އެމްޑީ) ގެމަގާމަށް ދެބޭފުޅަކު އައްޔަންކޮށްފިއެވެ. މި ދެ ބޭފުޅުންނަށް މަގާމުގެ މަސްއޫލިއްޔަތު ހަވާލުކޮށްފައި ވަނީ މިއަދު އެވެ.
އެގޮތުން، ހައްޖު ކޯޕަރޭޝަންގެ އެމްޑީގެ މަގާމަށް އައްޔަންކުރީ އިސްމާއީލް ހަމީދުއެވެ. އަދި ވެމްކޯގެ އެމްޑީގެ މަގާމަށް އައްޔަންކުރީ އާދަމްމުހައްމަދު އެވެ.
ހައްޖުކޯޕަރޭޝަނާއި، ވެމްކޯގެ އިތުރުން، ދައުލަތުގެމީޑިއާ (ޕީއެސްއެމް) އަށް ވެސް ވަނީ އާ އެމްޑީއަކު އައްޔަންކޮށްފައެވެ. އެގޮތުން ޕީއެސްއެމްގެ އެމްޑީ އަކަށް އައްޔަންކޮށްފައި ވަނީ ކުރީގެ ރައީސް ޔާމިންގެ ސަރުކާރުގައި ރައީސްއޮފީހުގެ ޗީފްކޮމިއުނިކޭޝަންއޮފިސަރުގެ މަގާމު އަދާކުރެއްވި، އަދި ވެމްކޯގެ ޗެއާމަންކަންވެސް ކުރައްވާފައިވާ އަލީ ޚާލިދެވެ.
އަލީޚާލިދު ވަނީ، ރައީސްމައުމޫންގެ ވެރިކަމުގެ ފަހުކޮޅުގައި ޓީވީއެމްގެ ސީއީއޯ ކަންކުރައްވާފައެވެ. އަދި އޭގެ އޭގެކުރިން އޭނާވަނީ މިފްކޯގައި ގިނަދުވަސްތަކެއްވަންދެން މަސައްކަތްކުރައްވާފައެވެ.
