ރައީސް އިބްރާހިމް މުހައްމަދު ޞާލިޙް އެދިވަޑައިގަތުމުން، އަދަބު ލުއިކޮށް ދިނުމުގެ ގާނޫނުގެ ދަށުން، އަދަބު ލުއިކުރުމުގައި އަމަލު ކުރަމުން ދިޔަ ގަވާއިދު އުވާލައިފިއެވެ
މި ގަވައިދު އުވާލާފައި ވާކަން، މިދިޔަ ބުރާސްފަތި ދުވަހު ރައީސް އޮފީހުން ނެރުނު އިއުލާނުން އެނގެއެވެ. އެ އިއުލާންގައި ބުނެފައި ވަނީ، މައާފް ދިނުމާއި އަދަބު ލުއިކޮށް ދިނުމުގެ ގާނޫނުން ހާސިލް ކުރަން ބޭނުންވާ މަގްސަދު އެ ގަވާއިދުން ހާސިލް ނުވާތީ، އެ ގަވާއިދު އުވާލަން ރައީސް ޞާލިޙް ނިންމެވީ ކަމަށެވެ.
އެގޮތުން އުވާލާފައި މިވަނީ، މައާފް ދިނުމާއި އަދަބު ލުއިކޮށް ދިނުމުގެ ގާނޫނުގެ 29 ވަނަ މާއްްދާގެ ދަށުން، ރައީސްއަށް ލިބިފައިވާ ކުށްވެރިންގެ އަދަބު ލުއިކޮށްދިނުމުގެ ބާރު ބޭނުން ކުރުމުގައި އަމަލު ކުރުމަށް 2016 ވަނަ އަހަރު އެކުލަވާލި ގަވައިދެވެ.
ކުށްވެރިންނަށް މައާފް ދިނުމާއި އަދަބު ލުއިކޮށް ދިނުމުގެ ގާނޫނުގައި ވާގޮތުން، ދަށުން ރައީސްގެ އިސްނެންގެވުމަށް ނުވަތަ ކުށްވެރިޔާ އެދިގެން އޭނާގެ އަބު ލުއިކޮށްދިނުމުގެ ބާރު ރައީސްއަށް އޮންނާނެއެވެ.
ލިޔުނީ: ޒިދާން މުޙައްމަދު
