ހައިވޭތަކުގައި ދަތުރުކުރާއިރު ދެ ސައިކަލު އެހަމައެއްގައި ބަހައްޓައި ވާހަކަ ދައްކަމުން ހައިވޭތަކުގައި ނުދުއްވުމަށް ޓްރާންސްޕޯޓް މިނިސްޓަރ ޢައިޝަތު ނަހުލާ އިލްތިމާސް ކުރައްވައިފި އެވެ.
ޢައިޝާ މިރޭ ވިދާޅުވީ އެގޮތަށް ސައިކަލް ދުއްވުމަކީ ވަރަށް ނުރައްކާތެރި ކަމެއް ކަމަށާއި ކިތަންމެ ބޮޑު ގެއްލުމެއްވެސް ލިބިދާނެ ކަމެއް ކަމަށެވެ. އެހެންކަމުން އެންމެންވެސް އެކަމަށް ސަމާލުކަން ދީ އެއްބާރުލުން ދިނުމަށް އެދިވަޑައިގަންނަވާ ކަމަށެވެ.
މަހެއްހައި ދުވަހުގެ ތެރޭގައި ހެލްމެޓް އަލަން ޖެހޭނެ ކަމަށް ވެސް އައިޝާ ވަނީ ވިދާޅުވެފައެވެ.
ޢައިޝާ ވިދާޅުވީ ހެލްމެޓް އެޅުން ތަޢާރަފްކުރާއިރު ލުއި ފަސޭހަ ގޮތަކަށް ހެލްމެޓް ލިބޭނެ ގޮތްވެސް އިންތިޒާމުކުރަން ޖެހޭ ކަމަށާއި އެ މަސައްކަތް ވެސް މިހާރު ދަނީ ކުރެވެމުން ކަމަށެވެ. އެހެންކަމުން އެކަމަށް ތައްޔާރަށް ތިބުމަށްވެސް ޢައިޝާ ވަނީ އެދިވަޑައިގެންފައެވެ.
