4721 ނަމްބަރު ޓެކްސީން ދެމައިން ހައިވޭއަށް ބާލާފައި ދިއަ މައްސަލަ ޓަރާންސްޕޯޓް މިނިސްޓްރީން ބަލައި ފިޔަވަޅު އަޅާނެ ކަމަށް ޓްރާންސްޕޯޓް އެންޑް ސިވިލް އެވިއޭޝަން މިނިސްޓަރު ޢައިޝަތު ނަހުލާ ވިދާޅުވެއްޖެއެވެ.
ޢައިޝާ މިރޭ ވިދާޅުވީ ކުޑަކުއްޖަކު ހައިވޭއަށް ބާލާފައި ޓެކްސީއެއް ދިއުމަކީ ވަރަށް ބޮޑަށް ކަންބޮޑުވެވަޑައިގަންނަވާ މައްސަލައެއް ކަމަށާއި އެކަމާއިމެދު އެޅެން ހުރި ފިޔަވަޅުތައް އަޅުއްވާނެ ކަމަށެވެ.
މިމައްސަލަ ކުރިމަތިވީ މައަކު އޭނާގެ ދަރިފުޅު ގޮވައިގެން އެއާޕޯޓުން މާލެ އައި މަގުމަތީގައި ދަތުރުގެ އަގުއެހުމުންނެވެ. ދަތުރުގެ އަގަކީ 100 ރުފިޔާކަމަށް ބުނުމުން އެއީ ޓްރާންސްޕޯޓް އޮތޯރިޓީގެ އަގަށްވުރެ ބޮޑު އަގެއް ކަމަށް ފަސިންޖަރު ބުނުމުންނެވެ.
ހުޅުލެއިން މާލެއަށް ޓްރާންސްޕޯޓް އޮތޯރިޓީން ކަނޑައަޅާފައިވާ އަގަކީ 35 ރުފިޔާއެވެ. ލަގެޖާއިއެކު ޢާންމުކޮށް ދަތުރުކޮށްދެނީ 50 ރުފިޔާ އާއި 80 ރުފިޔާ އާއި ދެމެދުގެ އަގުތަކަށެވެ.
އަގުގެ މައްސަލައިގެ އިތުރުން 2 މައަކު ކާރުން ބާލުވައި ހައިވޭ މައްޗަށް ދޫކޮށްލާފައި ދިއުމަކީ އިންސާނިއްޔަތުކަމާއިވެސް ޚިލާފް ވަރަށް އަނިޔާވެރި އަމަލެއް ކަމަށް ބެލެވެއެވެ.
