އަންނަ އަހަރު ފެށޭ ދިރާސީ އައު އަހަރާއެކު ހެނދުނުގެ ނާސްތާ ދޭން ފަށާނެ ކަމަށާއި ނަމަވެސް ފުރަތަމަ އެކަން ފަށާނީ 25 ސްކޫލުގައި ކަމަށް އެޑިއުކޭޝަން މިނިސްޓަރު ޑރ. އާއިޝަތު އަލީ ވިދާޅުވެއްޖެ އެވެ.
އެޑިއުކޭޝަން މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ ދަރިވަރުންގެ އާބާދީއަށް ބެލުމަށްފަހު މާލެ ސަރަހައްދުން ފަސް ސްކޫލަކާއި ކޮންމެ އަތޮޅަކުން އެއް ސްކޫލުގައި ނާސްތާ ދޭން ފެށުމަށް ހަމަޖައްސާފައިވާ ކަމަށެވެ. އަދި ޔުނިސެފްގެ އެހީއާއެކު ނާސްތާގެ ގޮތުގައި ދޭނެ 10 މެނޫއެއް ވެސް ތައްޔާރުކޮށްފައިވާ ކަމަށް މިނިސްޓަރ އައިޝަތު އަލީ ވިދާޅުވި އެވެ.
ހެނދުނުގެ ނާސްތާ ފުރަތަމަ ދިނުމަށް ހަމަޖެހިފައިވާ ސްކޫލްތައް:
· މަޖީދިއްޔާ ސްކޫލް
· އަމީނިއްޔާ ސްކޫލް
· އިސްކަންދަރު ސްކޫލް
· ހުރަވީ ސްކޫލް (ހުޅުމާލޭގައި އަލަށް ކިޔަވައިދޭން ފަށާ ސްކޫލް)
· މުހްޔިއްދީން ސްކޫލް (ވިލިމާލެ)
· ޝަހީދު އަލީ ތަކުރުފާން ސްކޫލް (ހއ. ތަކަންދޫ)
· މ. ނާލާފުށި ސްކޫލް
· ވ. ފުލިދޫ ސްކޫލް
· ތ. ބުރުނި ސްކޫލް
· އއ. މާޅޮހު ސްކޫލް
· ރ. ރަސްމާދޫ ސްކޫލް
· ހދ. ނޭކުރެންދޫ ސްކޫލް
· ލ. އަތޮޅު ސްކޫލް (މާބައިދޫ)
· ނ. މާފަރު ސްކޫލް
· ދ. އަތޮޅު މަދަރުސާ (މީދޫ)
· ގދ. އަތޮޅު ތައުލީމީ މަރުކަޒު (ގދ. ތިނަދޫ)
· ގއ. ދާންދޫ ސްކޫލް
· ކ. އަތޮޅު ތައުލީމީ މަރުކަޒު (ތުލުސްދޫ)
· ޅ. އަތޮޅު މަދަރުސާ (ކުރެންދޫ)
· ޏ. އަތޮޅު ތައުލީމީ މަރުކަޒު
· އދ. އަތޮޅު ސްކޫލް (މާމިގިލި)
· ފ. އަތޮޅު ތައުލީމީ މަރުކަޒު (ނިލަންދޫ)
· މިލަންދޫ ސްކޫލް
· ބ. އަތޮޅު ތައުލީމީ މަރުކަޒު (އޭދަފުށި)
· ޝަރަފުއްދީން ސްކޫލް (ސ. ހިތަދޫ)
ނާސްތާ ދޭން ފަށާ 25 ސްކޫލުގެ ޖުމުލަ އާބާދީ އަކީ 14،720 އެވެ. ނަމަވެސް އޭގެ ތެރެއިން ނާސްތާ ދޭން ހަމަޖައްސާފައިވަނީ ހެނދުނުގެ ދަންފަޅީގައި ކިޔަވާ ދަރިވަރުންނަށް އެކަންޏެވެ. ދަރިވަރުންނަށް ނާސްތާ ދޭން ހަމަޖެހިފައިވަނީ ކިޔެވުން ފެށުމުގެ ކުރިން ކްލާސްރޫމުގަ އެވެ.
މެނޫގައި ހިމެނޭ ތަކެތި:
· މެނޫ 1: ރޮށި، ބިސްގަނޑު، ކިރު
· މެނޫ 2: ރޮށި، ފަތު މަސްހުނި، ކިރު
· މެނޫ 3: ރޮށި، ތަރުކާރީ މަސްހުނި، ކިރު
· މެނޫ 4: ރޮށި، ބަރަބޯ މަސްހުނި، ކިރު
· މެނޫ 5: ރޮށި، ބަށި މަސްހުނި، ކިރު
· މެނޫ 6: ބޭކަޑް ބީންސް، ރޯލް، ކިރު
· މެނޫ 7: ބިސް، ސޭންޑްވިޗް، ކިރު
· މެނޫ 8: ޓޫނާ، ސޭންޑްވިޗް، ފެން، ކިރު
· މެނޫ 9: ޗީޒް ސޭންޑްވިޗް، ކިރު
· މެނޫ 10: ޕާން، ޕީނަޓް ބަޓާ، ކިރު
