ވެއްޓުނު ސިމެންތި ބަސްތާއިން ޖެހި ކުއްޖާ މަރުވި ހާދިސާ ހިނގީ ޤަވާއިދާ އެއްގޮތަށް މަސައްކަތް ކުރަމުން ދިއަ ސައިޓެއްގައި ކަމަށް މިނމިސްޓަރ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗަރ މުޙައްމަދު އަސްލަމް ވިދާޅުވެއްޖެއެވެ. އަސްލަމް މިއަދު ވިދާޅުވީ އެއީ ސީރިއަސް މައްސލައެއްގެ ގޮތުގައި ފުލުހުން ގެންދަނީ މައްސަލަ ބަލަމުން ކަމަށާއި ތަޙްޤީޤް އަދި ނުނިމޭނީ އިތުރު މައުލޫމާތެއް ވިދާޅުވެވެން ނެތް ކަމަށެވެ.
ބިދޭސީން ލައްވައި ޤަވާއިދާއި ޚިލާފަށް ބައެއް ސައިޓުތަކުގަ އާއި ގޭގޭގައި މަސައްކަތް ކުރުވާ މަސައްކަތް ކުރުވާ މައްސަލައިގައި އަސްލަމް ދެއްވީ ވަރަށް "ކޫލް" ޖަވާބެކެވެ.
ވިދާޅުވީ އެއީ ވަރަށް ފައުޅުކަން ބޮޑު ގޮތެއްގައި އެންމެންނަށް އެނގިގެން ކުރަމުން ގެންދާ ކަމެއް ކަމަށެވެ. އަދި ގޭގޭގައި އެފަދަ މީހުން ލައްވައި މަސައްކަތް ކުރުވާނަމަ ސަލާމަތާއި ރައްކައުތެރިކަމަށް ބަލަންޖެހޭނެ ކަމަށެވެ. މިނިސްޓަރ މިހައި ކޫލް ޖަވާބެއް މި ދެއްވީ ޤަވާއިދާއި ޚިލާފަށް އުޅޭ ބިދޭސީންގެ މައްސަލަތައް ބެލުމަކީ އެމިނިސްޓްރީގެ މަސްއޫލިއްޔަތަކަށް ނުވާތީ ކަމަށް ވެދާނެއެވެ.
