"މާވެޔޮ މިސްކިތް އިމަރާތްކުރާތާ 4 އަހަރު ވެއްޖެ! މި ސަރަހައްދުގެ މީހުންނަށް މިސްކިތަ ނެތީމަ ވަރަށް އުނދަގޫ! އަޅުގަނޑު އަޑު އެހިން ވަރަށް ގިނަ ޝަކުވާތައް! މިމަސައްކަތް ނިންމުމަށް ބާރެއް އަޅުއްވައި ދެއްވުމަށް ލޮބުވެތި އިސްލާމިކް މިނިސްޓަރު ޑރ. އަޙްމަދު ޒާހިރުގަ ވަރަށް އިޚްލާޞްތެރިކަމާއިއެކު އިލްތިމާސްކުރަން!"
މިއީ ޝައިޚް ޢަލީ ޒައިދު ކުރައްވާފައިވާ ޓްވީޓެކެވެ.
މާވެޔޮ މިސްކިތް ތަޅާލިތާ އަލުން އިމާރާތް ކުރަނަ ތަޅާލިތާ 2،3 އަހަރުފަހުން 2016 ވަނައަހަރުގެ ނޮވެމްބަރު މަހުގެ 16 ވަނަ ދުވަހު އިސްލާމިކް މިނިސްޓްރީގެ މީޑީއާ ކޯޑިނޭޓަރު މުހައްމަދު އަހްސަން ވިދާޅުވީ އަމިއްލަ ފަރާތަކާ ހަވާލުކޮށްގެން އެ މިސްކިތް އިމާރާތްކުރަން ގެންގުޅުނު ވިސްނުން ސަރުކާރުން ދޫކޮށްލުމަށްފަހު މިހާރު ހުރިހާ ހަރަދެއް ކުރަން ހަމަޖައްސާފައި ވަނީ ސަރުކާރު ބަޖެޓުން ކަމަށެވެ.
އެ މިސްކިތަށް އަންނަ އަހަރުގެ (2017 ވަނަ އަހަރުގެ) ބަޖެޓުގައި 17 މިލިއަން ރުފިޔާ ކަނޑައަޅާފައިވާ ކަމަށް ވެސް އަހްސަނު ވަނީ ބުނެފައެވެ.
ރައީސް ޔާމީނުގެ ވެރިކަން ނިމުނީ 600 ވަރަކަށް އަކަ ފޫޓު ހަމަ ނުވާ މި ކުޑަ މިސްކިތް އަލުން ބިނާކުރަން ތަޅާލިތާ 4 ވަރަކަށް އަހަރުފަހުންނެވެ. 25 ބުރިއަށް ބޮޑެތި ބިޔަ އިމާރާތްތައް ބިނާކުރިއިރު މި ކުޑަކުޑަ މިސްކިތުގެ މަސައްކަތް ނުނިންމައި ހުރީ އެ މަޝްރޫއުން ލިބޭނެ މާބޮޑު "ކަޓެއް" ނެތުމުން ކަމަށް ބެލެވެއެވެ.
