މޯޑިވްސް މީޑިއާ ކައުންސިލް އިންތިޚާބާއި ގުޅިގެން މިދިޔަ ނޮވެމްބަރު މަހުން ފެށިގެން ނޫސްމަޖައްލާ ރަޖިސްޓްރީކޮށްދިނުން ހުއްޓިފައި އޮތުމަށްފަހު، މިއަދު ހަތް ނޫސްމަޖައްލާއެއް ހޯމް މިނިސްޓްރީން ރަޖިސްޓްރީކޮށްދީފިއެވެ.
އެމިނިސްޓްރީން ބުނީ މިއަދު ރަޖިސްޓްރީކޮށްދީފައިވާ އޮންލައިން ނޫސްތަކަކީ
· ހޯރައޮންލައިން
· އަށްދަން
· މުނިއަވަސް
· ދެންއޮންލައިން
· މޯލްޑިވްސް ބިޒްނަސް ސްޓޭންޑާޑް
· ވޮއިސްއެމްވީ، އަދި
· ޖަޒީރާ ނިއުސް ހަބް، ކަމުގައެވެ.
މިއަހަރުގެ މިހާތަނަށް މިނިސްޓްރީ އޮފް ހޯމްއެފެއާޒުގައި 26 ނޫސްމަޖައްލާ ރަޖީސްޓްރީކޮށްފައެވެ. މީގެތެރޭގައި ހިމެނެނީ އޮންލައިން ނޫހާއި ހަފްތާ މަޖައްލާ އަދި ޖާނަލްތައް ކަމަށް ވެސް އެމިނިސްޓްރީން ބުނެފައިވެއެވެ.
މިދިޔަ ނޮވެމްބަރު މަހުން ފެށިގެން ނޫސް މަޖައްލާތައް ރެޖިސްޓްރީކުރުން ހުއްޓާލާފައި އޮތީ މީޑިއާ ކައުންސިލްގެ އިންތިހާބާއި ގުޅިގެންނެވެ. މީޑިއާ ކައުންސިލްގެ އިންތިހާބު ބާއްވާފައިވަނީ މިހިނގާ ޑިސެމްބަރު މަހުގެ 15 ވަނަ ދުވަހު އެވެ.
