ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙްގެ، ވެރިކަމުގެ ފުރަތަމަ 100 ގުނާނީ ބަންދު ދުވަސްތައް ނުހިމަނައި ކަމަށް ރައީސް އޮފީހުން ބުނެފިއެވެ. ރައީސް އޮފީހުގެ ތަރުޖަމާން އިބްރާހިމް ހޫދް މިއަދު ވިދާޅުވީ، އިއްޔެ އަކީ ރައީސް މަގާމާއި ހަވާލުވެވަޑައިގަތްތާ މަހެއް ހަމަވި ދުވަސް ނަމަވެސް، މަހެއް ވީ ކަމަށް ބަލާނީ ވެސް ހަމައެކަނި ސަރުކާރުގެ މަސައްކަތް ކުރި 30 ދުވަސް ކަމަށެވެ.
އެހެން ކަމުން ވައުދު ފުއްދުމުގެ ތިރީސް ދުވަސް ހަމަވާނީ މިމަހުގެ 31 ވަނަ ދުވަހަށް ކަމަށެވެ. މި ސަރުކާރުގެ ފުރަތަމަ 30 ދުވަހު ހާސިލްކުރުމަށް ކަނޑައާފައިވާ 49 ވައުދުގެ ތެރެއިން މިހާތަނަށް ފުއްދައިދީފައިވާ 10 ވައުދެވެ.
އަދި ބައެއް ވައުދުތަކުގެ ކޮންމެވެސް މިންވަރެކެވެ. ސަރުކާރުން ދަނީ ބާކީ ވައުދުތައްވެސް ފުރިހަމައަށް ފުއްދުމަށް ގަދައަޅާ މަސައްކަތް ކުރަމުންެނެވެ. ރައީސް އިބްރާހިމް މުހައްމަދު ޞާލިޙްގެ ވެރިކަމުގެ ފުރަތަމަ 100 ދުވަހު ފުއްދައިދޭނެ ކަމަށް ވިދާޅުވެ، ޖުމްލަ 161 ވައުދެއް ވަނީ އިއުލާން ކުރައްވާފަ އެވެ.
