އިންޑިއާއިން ރާއްޖެއަށް 1.4 ބިލިއަން ޑޮލަރުގެ ލޯނާއި ކްރިޑިޓް ފެސިލިޓީގެ އިތުރުން ދިވެހި ދަރިވަރުން އިންޑިއާގައި ދިވެހި ދަރިވަރުން މަތީ ތަޢްލީމް ޙާޞިލުކުރުމަށް 1000 ސްކޯލާޝިޕް ފުރުޞަތު ދީފައިވާކަމަށް އިންޑިއާގެ ބޮޑު ވަޒީރު ނަރެންދުރާ މޯދީ ވިދާޅުވެއްޖެއެވެ.
ރާއްޖޭގެ ތާރީޚުގައި މިކަން ވެގެންދާނީ މިހައި ބޮޑު އަދަދެއްގެ ލޯނާއި މިހައި ގިނަ އަދަދެއްގެ ސްކޯލާޝިޕް ފުރުޞަތު އެއްފަހަރާ ލިބިގެންދިއަ ފުރަތަމަ ފަހަރަށެވެ. މޯދީ ވިދާޅުވީ މި ލޯނު ދީފައިވަނީ، ހިއުމަން ރިސޯސް ޑިވެލޮޕްކުރުމަށާ، އުމްރާނީ މަސައްކަތްތަަކާ، އައިޓީ ދާއިރާގެ އިތުރުން ދިވެހިރާއްޖެއަށް ބޭނުންޖެހިފައިވާ އެހެނިހެން ކަންކަން ކުރުމަށް ކަމަށެވެ.
