މިއަދު ހެނދުނު ކުޑަކުއްޖެއްގެ ބޮލަށް ސިމެންތި ބަސްތާއެއް ވެއްޓުމާ ގުޅިގެން މާލޭގައި އިމާރާތްކުރުން ވަގުތީގޮތުން ސިޓީ ކައުންސިލުން ހުއްޓުވައިފިއެވެ.
އެކައުންސިލުން ބުނީ އިމާރާތްކުރުން ހުއްޓުވާފައިވަނީ މިފަދަ މައްސަލަތައް، ހައްލުކުރުމަށް އެޅެން އޮތް ފިޔަވަޅުތައް ބަލައި އެކަންކަން ހައްލުކުރުމުގެ ގޮތުންކަމަށެވެ.
މިއަދު ހެނދުނު ހިނގި އެހާދިސާގައި އަނިޔާވެފައި ވަނީ އުމުރުން ނުވަ އަހަރުގެ އަންހެން ކުއްޖަކަށެވެ. އެކުއްޖާގެ ބޮލަށް ސިމެންތި ބަސްތާ ވެއްޓިފައި ވަނީ ނަލަހިޔާ ކައިރީގައި ހަދަމުން ދިޔަ އިމާރާތެއްގެ ކައިރީން ހިނގާފައި ދަނިކޮށެވެ.
މައުލޫމާތު ލިބިފައިވާ ގޮތުގައި އެކުއްޖާގެ ހާލު ވަރަށް ސީރިއަސް އެވެ. އަދި މިވަގުތުވެސް ދަނީ އައިޖީއެމްއެޗް ހޮސްޕިޓަލުގައި އެކުއްޖާއަށް ފަރުވާ ދިނުމަށް އޮޕަރޭޝަން ކުރަމުންނެވެ.
