ކޮންމެ ރައްޔިތަކުވެސް އެމީހެއްގެ ގޯތީގައި ކެއިން ބުއިމަށް ބޭނުންކުރެވޭނެ 1 ގަސް ނަމަވެސް އިންދުމަށް ރައީސް އިބްރާހީމް މުޙައްމަދު ޞާލިޙް ގޮވާލައްވައިފިއެވެ.
ވެށި ފެހި ޕްރޮގްރާމް އިފްތިތާޙް ކުރުމަށް މިއަދު ހުޅުމާލޭގައި ބޭއްވި ރަސްމިއްޔާތުގައި ރައީސް އިބްރާހީމް މުޙައްމަދު ޞާލިޙް ވިދާޅުވީ ކޮންމެ ރައްޔިތަކުވެސް އެމީހެއްގެ ގޯތީގައި ކެއިން ބުއިމަށް ބޭނުންކުރެވޭނެ 1 ގަސް ގޯތީގަ އިންދުމަށް އެދިވަޑައިގަންނަވާ ކަމަށާއި އަދި އެގަހަކީ ކާބޯތަކެތި އަޅާ ނުވަތަ ހަށިގަނޑަށް ފައިދާ ކުރާ ފަތްޕިލާވެލީގެ ބާވަތެއްގެ ގަހަކަށް ހެދުމަށް އިލްތިމާސް ކުރައްވާ ކަމަށެވެ. "އެކަމުގެ ސަބަބުން ދިރިއުޅުމުގެ ކަރަދުތައްވެސް ކުޑަ ކުރެވޭނެ."
ރައީސް އިބްރާހީމް މުޙައްމަދު ޞާލިޙް ވިދާޅުވީ ތިމާވެށި ހިމާޔަތްކުރަން ފުރަތަމަ 30 ދުވަހުގެ ތެރޭގައި ތަންފިޒު ކުރެވޭ 2 ވަނަ ކަންތައް ކަމަށާއި އިތުރު އެތައް ކަމެއް ކުރެވޭނެ ކަމަށެވެ.
ރައީސް އިބްރާހީމް މުޙައްމަދު ޞާލިޙް ވިދާޅުވީ ކޮންމެ އަތޮޅެއްގައި 1 ރަށާއި 1 ފަޅު ހިމާޔަތް ކުރެވޭނެ ކަމަށާއި އެއީ އެ އަތޮޅެއްގައި ޤްދްރަތީ ގޮތުން އޮންނަ އެންމެ މުއްސަނދި އެއްރާށާއި ފަޅު ކަމުގައި ހައްދަވާނެ ކަމަށެވެ.
