ދީނީ އިލްމުވެރިންނަށް އަމިއްލަފުޅު ޚުޠުބާ ވިދާޅުވުމުގެ ފުރުޞަތު ފަހިކޮށްދެއްވުމަށް ޝައިޚް ޢަލީ ޒައިދު އެދިވަޑައިގެންފިއެވެ.
މަސްޖިދު މުޙައްމަދު ތަކުރުފާނުލްއަޢްޒަމްގައި ޝައިޚް އިލްޔާސް ޙުސައިން މިއަދު ވިދާޅުވީ ޚުޠުބާއަށް އިޝާރާތް ކުރައްވައި ޝައިޚް ޢަލީ ޒައިދު ވިދާޅުވީ މިއަދުގެ ޚުޠުބާ ވަރަށް ރީތި ކަމަށެވެ.
"އިޞްލާޙްކޮށްލަން ޖެހޭ ބައެއް ކަންކަން ހުރި ނަމަވެސް ޖުމުލަ ގޮތެއްގައި ހަމަ ވަރަށް ރީތި ޚުޠުބާއެއް. ޝުކުރިއްޔާ އިސްލާމިކް މިނިސްޓްރީ. އުންމީދުކުރަން މިފަދަ ޚުޠުބާތައް ކުރިއަށް އޮތްތަނުގައި އަޑުއަހަން ލިބޭނެ ކަމަށް."
ރާއްޖޭގައި އިސްލާމިކް މިނިސްޓްރީ އުފެދުމާއިއެކު އަމިއްލަފުޅު ޚުޠުބާ ވިދާޅުވުމުގެ ފުރުޞަތު ދީނީ ޢިލްމުވެރިންނަށް ވަނީ ދެއްވަން ފަށްޓަވައިފައެވެ. އެކަމަށް އައީ ވަރަށް ބޮޑު ތަރުޙީބެއް ވެސް ލިބެމުންނެވެ. ނަމަވެސް އެކި ދުވަސްވަރު އެކަމަށް ސިޔާސީ ނުފޫޒު ވަނީ އެކި މިންވަރަށް ފޯރުވައިފައެވެ.
