ބަރަހަނާ ވެބްސައިޓުތައް ބްލޮކްކޮށްދެއްވުން އެދިވަޑައިގެން ހޯމް މިނިސްޓަރ ޝައިޚް އިމްރާން ޢަބްދުﷲ އަށާއި ޓެކްނޮލޮޖީ މިނިސްޓަރަށް މަލީހް ޖަމާލަށް ޝައިޚް ޢަލީ ޒައިދު އިލްތިމާސް ކުރައްވައިފިއެވެ.
ޝައިޚް ޢަލީ ޒައިދު ވިދާޅުވީ މިކަމަކީ ކޮންމެހެން ކުރަންޖެހިފައިވާ ކަމެއް ކަމަށް ދެކެވަޑައިގަންނަވާ ކަމަށާއި އެކަމަށް އެދިވަޑައިގެން ވަރަށް އަދަބު އިޙްތިރާމާއިއެކު އިލްތިމާސްކުރައްވާ ކަމަށެވެ. އަދި އިސްލާމީ ޤައުމެއްގައި މިފަދަ ސައިޓުތަކަށް ވަދެވިގެންވާނެ ކަމަށް ޤަބޫލުފުޅު ނުކުރައްވާ ކަމަށެވެ.
ރާއްޖޭގައި މިހާރު ކުޑަކުދިންނަށް އެފަދަ ވެބްސައިޓުތަކަށް ނުވަދެވޭ ގޮތް އެބަހަދައެވެ. އެފަދަ ވެބްސައިޓުތައް ބެލުމަކީ މީހާ ބޮޑުވުމަކުން ހުއްދަވާ ކަމެއް ނޫނެވެ.
