ހ. ހީނާމާގޭގައި ހުރި ޕާކިން ސިސްޓަމް ނަގައި އެތަން އާއްމުންނަށް ހުޅުވާލަން ޓްރާންސްޕޯޓް އަދި ސިވިލް އޭވިޝަން މިނިސްޓާރ އައިޝަތު ނަހުލާ ނިންމަވައިފި އެވެ.
ނޫސްވެރިންނަށް ބޭއްވި ބައްދަލުވުމެއްގައި އިއްޔެ މިނިސްޓަރު އާއިޝަތު ނަހުލާ ވިދާޅުވީ ޕާކިން ސިސްޓަމްތައް ބަހައްޓާފައިވަނީ އެކަމުން ފައިދާ ކުރާ ގޮތަކަށް ނޫން ކަމަށެވެ. އެހެންވެ މިހާރު ހުރި ސިސްޓަމްތައް ނަގައި ރައްޔިތުންނަށް ފަސޭހައިން ޕާކު ކުރެވޭނެ ގޮތް ހެދުމުގެ މަސައްކަތް ކުރަމުން އަންނަ ކަމަށެވެ.
" ސިސްޓަމް ބަހައްޓައިގެން އެތަން ބްލޮކް ކޮށްފައި ބެހެއްޓުމުގެ ބަދަލުގައި މި ޖެހެނީ އެ އެއްޗެހި ނަގައި އެހެން ގޮތަކަށް ޕްލޭންކުރަން. އެގޮތަށް ވިސްނާއިރު މި ވަގުތަށް އޮތް ހައްލަކީ އެތަން ހުސްކޮށްފައި ޕާކިންނަށް ދޫކޮށްލުން،" މިނިސްޓާރ ވިދާޅުވި އެވެ.
އެނގިފައިވާ ގޮތުން، ޓްރާންސްޕޯޓް މިނިސްޓްރީން މި ވަގުތު ކުރަމުން އަންނަނީ ހީނާމާގޭގައި ހުރި ޕާކިން ސިސްޓަމް ނެގުމުގެ މަސައްކަތެވެ.
ޒިދާން މުހައްމަދު
