"ޔާ ﷲ! މިއަޅާއަށް ދިރިހުރުމުގެ ނިޢްމަތް ދެއްވަވައި، ރިޒުޤް ދެއްވަވައި އަދި މިހައި ތަނަށް ދެއްވެވި އެންމެހައި ނިޢްމަތްތަކަށް މިއަޅާ ހިފެހެއްޓުމެއްނެތި އިނބަ ﷲ ގެ ޙަޟްރަތަށް ހާސްހާސްފަށުން ޝުކުރު ދަންނަވަމެވެ.
ޔާ ﷲ! މިއަދަކީވެސް މިއަޅާ ކުރާ މަސައްކަތުގައި ބަރަކާތް ލައްވަވައި އިނބަ ﷲ ގެ ރަޙްމަތް މިއަޅާއަށްޓަކައި އޮއްސަވައި ދެއްވަވާ ދުވަހެއް ކަމުގައި ލައްވަވާނދޭވެ!
ޔާ ﷲ! މިއަޅާ ކޮންމެ ކަމެއް ކުރަންވެސް މަސައްކަތްކުރަނީ އިނބަ ﷲ ގެ ޙަޟްރަތުން ބަރަކާތާއި ވާގިއެދިގެންނެވެ. މިއަޅާއަށް ހެޔޮ ވިސްނުން ދެއްވަވާނދޭވެ!
ޔާ ﷲ! މިއަޅާގެ ޢަދާވާތްތެރިންނާއި ޝައިޠޯނުންގެ ކިބައިން ކުރިންވެސް ރައްކައުތެރިކަން ދެއްވެވި ފަދައިން މިއަދުވެސް މިއަޅާއަށް ރައްކައުތެރިކަން ދެއްވަވާނދޭވެ! އަދި އިއްޔެއަށްވުރެ ގިނައިން މިއަދު އިނބަ ﷲ ގެ މަގުގައި އިނބަ ﷲ ރުހިވޮޑިގަންނަވާ ހެޔޮ ޢަމަލުތައް ކުރުމުގެ ތައުފީޤް މިއަޅާއަށް ދެއްވަވާނދޭވެ! އާމީން
