"އިމްތިޙާނަށް ތައްޔާރުވުމުގައި ކިތަންމެ ވަރުބަލިވި ނަމަވެސް ރަނގަޅު ނަތީޖާއެއް ލިބިއްޖެ ނަމަ އެ ހުރިހާ ކަމެއް ހަނދާން ނެތިދެއެވެ. ހަމަ އެގޮތަށް ސުވަރުގެ ވަދެވުމުން ދުނިޔޭގެ ހުރިހާ ވަރުބަލި ކަމެއް ހަނދާން ނެތޭނެއެވެ.
" ފަޟީލަތުއްޝައިޚް ޢަލީ ޒާހިރު ބިން ސަޢީދު ޤާސިމް ޝައިޚްގެ މިބަސްފުޅަކީ ވަރަށް މުހިންމު ބަސްފުޅެކެވެ. ސުވަރުގެ ލިބޭނީ ދުނިޔޭގައި ހުރެވޭ ދުވަސްކޮޅު ވަރަށް މުރާލިކަމާއިއެކު މަސައްކަތް ކޮށްގެންނެވެ. ވަރަށް ބުރަކޮށް މަސައްކަތް ކޮށްގެންނެވެ.
އަރާމު ނިދި ދޫކޮށް ހޭލައި މަސައްކަތްކޮށްގެންނެވެ. އާޚިރަތް ދުވަހު ސުވަރުގެ ލިބިއްޖަނަމަ ދުނިޔޭގައި ހުރެ ކުރި ގިނަ އަދި ބުރަ މަސއްކަތްތައް ހަނދާނަށްވެސް ނުއަންނާނެއެވެ. ލިބޭ ހަމަ އެންމެ ނިޢްމަތެއްވެސް އެހުރިހައި ކަމަކާއި ނުބައްދަލުވާނެތީއެވެ. ސުވަރުގެ ވަދެވޭ ހިސާބުން މީހާ ހުންނާނީ ހިތް ފުރި އުތުރި އަރައިފައެވެ.
މީޒާނުން ސަލާމަތްވެ ސުވަރުގެ ލިބޭނެކަން ޔަޤީންވާ ހިސާބުން ވެސް އެހެން ހުރިހާ ކަމެއް ހަނދާންނެތިގެންދާނެއެވެ. ޝައިޚްގެ މިބަސްފުޅުގެ ބޭނުންފުޅެއް ކަމަށް ޤަބޫލުކުރެވެނީ ތްކްލީފެއް ކަމަށް ނުދެކެ ވީހައި ގިނައިން ހެޔޮ އަމަލުތައް ކުރުމުން ލިބެން އޮތް ނަތީޖާގެ މަތިވެރިކަން ބަޔާންކޮށްދެއްވެވުން ކަމަށް ޤަބޫލުކުރެވެއެވެ.
