ސުވާލު:. ދީނީގޮތުން މައިން ބަފައިންނަށް އަޅާލުމާއި، މައިން ބަފައިންނަށް ޚަރަދުކޮށް ބެލެހެއްޓުމަކީ ހަމައެކަނި ޢާއިލާގެ އެންމެ ދޮއްޓަށް ހުންނަ މީހަކަށް ކުރަންޖެހޭނެ ކަމެއްތޯ؟
ޖަވާބު:. ހުރިހާ ކުދިންވެގެން ކުރަންޖެހޭ ކަމެއް.
ޖަވާބު ދެއްވީ: ޑރ. މުޙައްމަދު ޢިޔާޟު ޢަބްދުލްލަތީފް
މައިންބަފައިންނަށް އެހީތެރިވެ ޚަރަދުކޮށް، ޑޮކްޓަރުންނަށް ދައްކައި ބޭސްފަރުވާކޮށްދީ އަދި އެމީހުންގެ އެހެން ބޭނުންތައް ފުއްދައިދީ ހެދުމަކީ ހުރިހާ ދަރިންވެސް ކުރަންޖެހޭނެ ކަމެކެވެ. އެކަން ކުރަންވީ ﷲ ގެ ޙަޟްރަތުން ޘަވާބަށް އެދިގެންނެވެ. ﷲ ގެ ރުހިވޮޑިގަތުން ލިބި ސުވަރުގެ އެދިގެންނެވެ.
އެކަންކަން ނުކުރުމަކީ ތިމާއަށް ލިބެންހުރި ނިޢްމަތްތައް ދޫކޮށްލުމެވެ.
