ޤިޔާމަތްދުވަހު ނަރަކައިގެ އަހުލުވެރިންނަށް ނަރަކައިގެ ޢަޛާބު ހަމައެކަނި ފެނިލުންވެސް، ހެޔޮ ޢަމަލުތައް ކުރުމަށްޓަކައި ދުނިޔެއަށް އަނބުރާ ފޮނުއްވުމަށް އެދޭ ސަބަބަކަށްވެއެވެ. އެއީ އެ ޢަޛާބުގެ ގަދަފަދަ ކަމުން އެ ޢަޛާބުގެ ރަހަ ނުލިބޭ މީހާއަށްވެސް އެކަން އިޙްސާސްކުރެވޭ ފަދަ ވަރުގަދަ ވޭން ދެނިވި ޢަޛާބެކެވެ.
ﷲ ތަޢާލާ ވަޙީ ކުރައްވާފައިވެއެވެ.
وَلَوْ تَرَىٰ إِذْ وُقِفُوا عَلَى النَّارِ فَقَالُوا يَا لَيْتَنَا نُرَدُّ وَلَا نُكَذِّبَ بِآيَاتِ رَبِّنَا وَنَكُونَ مِنَ الْمُؤْمِنِينَ – الأنعام 27
މާނައީ: "އެއުރެން ނަރަކައިގެ ކުރިމަތީގައި ބައިތިއްބަވާހިނދު ކަލޭގެފާނު ދެކެވަޑައިގަންނަވާނެ ނަމައެވެ. ދެން އެއުރެން ބުނާނެތެވެ. އޭ ސަހަރޯއެވެ. ތިމަންމެން (ދުނިޔެއަށް) އަނބުރާ ފޮނުއްވާނެނަމަ ކޮންފަދަހެއްޔެވެ. އޭރުން ތިމަންމެންގެ ރައްބުގެ އާޔަތްތައް ދޮގެއް ނުކުރާނޫއެވެ. އަދި އީމާންވީ މީހުންގެ ތެރެއިން ތިމަންމެން ވާނޫއެވެ."
ފަހެ، އެ ނަރަކައިގެ ޢަޛާބުގެ ތެރެއަށް ވަންނަން ޖެހޭމީހާގެ އިޙްސާސްތައް ހުންނާނީ ކޮންފަދައަކުންބާވައެވެ؟
اللَّهُمَّ أَجِرْنَا مِنَ النَّارِ
ޔާ ﷲ! ނަރަކައިން އަޅަމެން މިންޖުކުރައްވާނދޭވެ!
- ޝައިޚް މުޙައްމަދު ޝާފިޢު
