ކޮވިޑް ނުފެތުރޭ ރަށްރަށުގެ ސްކޫލްތަކުގައި ކޮންމެ ސެޝަންއެއްގައި އަންނަ ހަފްތާއިން ފެށިގެން 5 ގަޑިއިރު ކިޔަވައިދޭނެ އެޑިއުކޭޝަން މިނިސްޓްރީން ނިންމައިފިއެވެ.
މިކަމާގުޅިގެން އެޑިއުކޭޝަން ނިސްޓަރ ރޭ ވިދާޅުވީ ކުރިން ސެޝަންއެއް ކުރިއަށް ގެންގޮސްފައިވަނި 4 ގަޑިއިރަށް ކަމަށާއި އެހެންނަމަވެސް އަންނަ ހަފްތަގެ އާދީއްތަ ދުވަހުން ފެށިގެން އަތޮޅު ތެރޭގައި ކޮވިޑް ނުފެތުރޭ ރަށްރަށުގެ ސްކޫލްތަކުގައި ކޮންމެ ސެޝަންއެއްގައި 5 ގަޑިއިރު ކިޔަވައިދޭނެ ކަމަށެވެ.
މާލެ ސަރަހައްދުގައި ކޮވިޑް-19ގެ ހާލަތު ރަނގަޅުވަމުން އަންނާތީ އަންނަ ހަފްތާގެ އާދިއްތަ ދުވަހުން ފެށިގެން މާލެ ސަރަހައްދުގެ ސްކޫލްތަކުގައި ކީސްޓޭޖް 4 އަދި 5 ގައި ހިމެނޭ ގްރޭޑުތަކުގެ ދަރިވަރުން ސްކޫލަށް ހާޒިރުކޮށްގެން ކިޔަވައިދިނުމުގެ ކަންކަން ކުރިއަށްގެންދިއުމަށް އެޑިއުކޭޝަނުން ވަނީ ނިންމާފައެވެ.
