އިންސާނާގެ ހަޔާތުގައި ކުރިމަތިވާ ކަންތައްތަކުގެ ތެރެއިން އެންމެ ނުރައްކާތެރި، އެންމެ ރުޅިގަދަވެވޭ، ކަންކަން ކޮންޓްރޯޅުން ނެޓިގެންދާ ވަގުތަކީ އެމީހާގެ ބައިވެރިޔާ، ތިމާއަށް ބޭވަފާތެރިވާ މަންޒަރު ލޮލަށް ފެންނަ ވަގުތެވެ. އެވަގުތު ދުލުން ނުބުނެވޭނީ ކޮންބަހެއްކަން ނުކުރެވޭނީ ކޮން ޢަމަލެއްކަން އޮންނަނީ ބުނެވެންނެތިފައެވެ. ވަރަށް މަދު މީހެއް ފިޔަވައި އެހެން އެންމެންގެ ކަންކަން އެމީހުންގެ ކޮންޓްރޯލުން ބޭރުވެގެންދާތީއެވެ!
މީސަތަކުންނޭވެ އެއީ ނުރއްކައުތެރިކަންބޮޑު ވަގުތެކެވެ. ބިރުހުރި ވަގުތެކެވެ. ނަމަވެސް އެއީ ކެތްތެރިކަން އެންމެ ބޮޑަށް އިސްކުރަންވީ ވަގުތެވެ. ستغفر الله لَا حَوْلَ وَلَا قُوَّةَ إِلَّا بِٱللَّٰهِ
ކުއްލިއަކަށް ކަންކަން ނުނިންމާށެވެ! ކެތްތެރިކަން އިސްކުރާށެވެ! ހަމަޖެހިލައިގެން ތަނެއްގައި އިށީނދެލާށެވެ! އެއަށްފަހު ބައިވެރިޔާ ކުރި ޢަމަލުގެ ކުޑަބޮޑުމިނާއިމެދު ވިސްނާށެވެ! މިސާލަކަށް ފިރިމީހާ އަނބިމީހާ މީހަކަށް މެސެޖުކުރުމާ، ދައްކައިގެން ނުވާނެ ވާހަކަ ފޯނުން ދެއްކުމާ ޒިނޭކުރުމާ މިއިން ކޮންމެ ކަމަކީވެސް ވަރަށް ތަފާތު ދަރަޖަތަކުގެ ކަންކަމެވެ.
ރަނގަޅަށް ވިސްނައިލާށެވެ! ބައިވެރިޔާއަކީ މީގެކުރިން ތިބާއަށް ކިހައި ހެޔޮ އިޚްލާޞްތެރިއެއްތޯއެވެ؟ އޭނާކޮށްދީފައިވަނީ ކޮންކޮން ކަންތަކެއްތޯއެވެ؟ އެހުރިހާ ކަމަކާއިއެކުވެސް އޭނާއަށް ނުބައި ފާފައެއް ކުރެވުނީއެވެ. ދެންވެސް ވިސްނައިލާށެވެ! އެންމެ ބޮޑު ފާފަ ނުކުރެވެނީސް އެހިސާބަށް ކަންކަން ނުދަނީސް އެމީހުން އެހައި ސިއްރުން ކުރި ފާފަ މިހައި އަވަހަށް ފަޟީޙަތް އެކުރެއްވެވީ ބައިވެރިޔާ އެފަދަ ފާފައެއް ދެން އިތުރުމުގެ މަގު ބަންދުކުރައްވަވަންކަމަށްވެސް ވެދާނެއެވެ!
ވީމާ ކައިވެނި ރޫޅާނުލައި ފުރަތަމަ ނަޞޭޙަތްދީ އެފަދަ ފާފަކުރުން ހުއްޓުވައި އިޞްލާޙްކުރަން ގަދައަޅައި މަސައްކަތްކުރާށެވެ! އެމަސައްކަތް ކާމިޔާބުވެއްޖެ ނަމަ ދީލަތިކަމާއިއެކު މާފުކުރާށެވެ! ﷲ ތަޢާލާގެ ރުހިވޮޑިގަތުން ލިބިގަންނާށެވެ!
ގިނަފަހަރަށް ކަންކަން ގޯހުން ގޯހަށް ނުދަނީސް ފާފައިގެ ކުރީކޮޅު ބައިވެރިޔާކުރާ އެފަދަ ފާފަ އަނެއް ބައިވެރިޔާއަށް ފަޟީޙަތްކުރައްވަވަނީ ފާފަކުރެވުނު ބައިވެރިޔާދެކެ ﷲ ތަޢާލާ ލޯބިވެވޮޑިގަންނަވާތީ އެކަން ހިސާބުން ހުއްޓައިލަ ދެއްވަވާ ފުރުޞަތެއްގެ ގޮތުން ކަމަށްވެދާނެއެވެ. ބަލަންވާނީ އެގޮތަށެވެ! ވީމާ އެޙާލަތުގައި ބައިވެރިޔާއަށް ކުރެވުނު ީސްތަކުންގެ މެދުގައި ފަޟީޙަތްކޮށް އޭނާގެ އަބުރަށް ގެއްލުން ނުދީ އިޞްލާޙްކުރެވޭތޯ މަސައްކަތްފަށާށެވެ!
ބައެއް މީހުން ދެވަނަ ފުރުޞަތެއް ޑޭން ބޭނުމެއް ނުވެއެވެ. ނަމަވެސް އަހަރެންގެ ނަޞޭޙަތަކީ ދެވަނަ ފުރުޞަތު ދިނުމެވެ. ކީއްވެގެން ހެއްޔެވެ؟ ކިތަންމެ ރަނގަޅު މީހަކަށްވެސް ކުށެއް ކުރެވިދާނެތީއެވެ! ބައިވެރިޔާގެ ކުރީގެ ޢަމަލުތަކަށާއި ކުރެވުނު ފާފައިގެ ދަރަޖައަށް ބަލަން މިބުނަނީ އެހެންވެގެންނެވެ.
މާފުނުކޮށް، ދެވަނަ ފުރުޞަތުދޭން ބޭނުންނުވާ މީހުން ވަގުތުން ކައިވެރިރޫޅައިލުމަށްފަހު ކުރެވުނު ކންތަކަށް ފަހުން ދެރަވެ ހިތާމަކުރަން ޖެހުމަކީ ހަމަ ވަރަށް ގިނައިން ކުރިމަތިލާންޖެހޭ ކަމެކެވެ. ވީމާ ވަރިިކުރާ ހިސާބަށް ނުވަތަ ވަރިވާ ހިސާބަށް ކަންކަން ގެންދަންވާނީ ދެން އެހެން ގޮތެއް ނެތުމުންނެވެ.
ހަމައެއާއިއެކު ބުނަމެވެ. ބައިވެރިޔާއަކީ ނުރަނގަޅު އާދަތައްހުރި ނުބައި ސިފަތައްހުރި ރަނގަޅު އަޚްލާޤެއް ނެތް ދޮގުހަދާ މަކަރުވެރި މީހަކު ނަމަ އެބާވަތުގެ ކަމެއް އެފަދަ މީހެއްގެ ކިބައިން ހާމަވުމަކީ ބައިވެރިޔާ އާއި ވަކިވާންޖެހޭކަން އެންގެވުމަށް ދެއްކެވި ކަމެއްކަމަށް ޤަބޫލުކުރާށެވެ!
- މުފްތީ މެންކުގެ ދަރުސަކުން
