ތިބާގެ ޢަމަލުތައް ލިޔުއްވަވާ ފަތް ތިބާގެ ކޮޅަށް ބަރުކުރަން ކޮންމެ ދުވަހަކުވެސް ވިސްނައި މަސައްކަތްކުރާށެވެ!: މުފްތީ މެންކް

މޫސާ ވަހީދު
ކިޔުމަށް ހޭދަވާނީ 50ސ
ތިބާގެ ޢަމަލުތައް ލިޔުއްވަވާ ފަތް ތިބާގެ ކޮޅަށް ބަރުކުރަން ކޮންމެ ދުވަހަކުވެސް ވިސްނައި މަސައްކަތްކުރާށެވެ!: މުފްތީ މެންކް

ޙަޔާތުގެ ކޮންމެ ދުވަހަކީވެސް ތިބާގެ އަމަލުތައް ލިޔުއްވަވާ ފަތަށް ޞަފްޙާތަކެއް އިތުރުވެގެންދާ ދުވަހެކެވެ. ވީމާ ފަތާއިމެދު ވިސްނައިލަން ކޮންމެ ދުވަހަކުވެސް ވަގުތުކޮޅެއް ހޭދަކުރަންވާނެއެވެ. 

ކުރެވޭ ކޮންމެ ޢަމަލެއް ފަތުގައި ލިޔުއްވަވަމުން ގެންދަވާއިރު ފަތުގައި ލިޔުއްވަވާ ނުބައި އަމަލުތައް ފަތުން ފުހެލަން އޮތް ހަމައެކަނި މަގަކީ ތައުބާވުމެވެ. ފަތް ހެޔޮ ކަމުގެ ކޮޅަށް ބަރުކުރަން ކުރަން އޮތް މަސައްކަތަކީ ހެޔޮ ޢަމަލުތައް ކުރުން ގިނަ ކުރުމެވެ. 

ވީމާ ކިތަންމެ ބުރަކޮށް މަސައްކަތްކުރި ނަމަވެސް އެމީހެއްގެ ފަތާއިމެދު ނިދުމުގެ ކުރިން ކޮންމެ ރެއަކުވެސް ވިސްނައިލާށެވެ! އެދުވަހަކު ކުރެވުނު ފާފަތަކަށް ތައުބާވުމަށްފަހުގައި ނޫނީ ނުނިދާށެވެ! ތައުބާ ނުވެވި ހުއްޓައި މަރުވެދާނެ ކަމަށް ބިރުވެތިވާށެވެ! 

ހަމަ އެއާއިއެކު މާދަމާ ކުރާނެ ހެޔޮ އަމަލުތައް ހިތުގައި ރާވައިލާށެވެ! އަނެއް ދުވަހު އެ ޢަމަލުތައް ކޮނަމެ ގޮތަކުން ނަމަވެސް ކުރަން ގަދައަޅައި މަސައްކަތްކުރާށެވެ! އާޚިރަތް އެދޭ މީހާ ކޮނަމެ ގޮތަކުން ނަމަވެސް މިބުނި މަގުން ޢަމަލުކުރުމުގައި ސާބިތުވާށެވެ!

- މުފްތީ މެންކުގެ ދަރުސަކުން

މިއަދު އޮންލައިން