ކޯޓުން ދިން ކޯޓު އަމުރު ކަމުނުދާތީ 3 ކިލޯ މަސްތުވާތަކެތީގެ ބޮޑު މައްސަލައެއްގައި ހައްޔަރުކުރި 2 މީހަކު ކޯޓުން މިނިވަންކޮށްފިއެވެ.
ފުލުހުންގެ މީޑިއާ އޮފިޝަލް ވިދާޅުވީ ހުޅުމާލެއިން ހައްޔަރުކުރި 2 މީހުން މިނިވަންކުރީ ފުލުހުން އެގެއަށް ވަންނަން ކޯޓުން ދިން އަމުރުގެ ހުރިހާ ގަނޑެއްގައި ޤާޟީ ސޮއިކޮށްފައި ނެތިގެން ކަމަށެވެ. އަދި ފުލުހުން އެދިގެން ކޯޓުން ދިން އަމުރުގައި ޤާޟީ ސޮއިކޮށްފައިވަނީ އެންމެ ފަހު ގަނޑުގައި ކަމަށެވެ.
އެ ދެ މީހުން މިނިވަންކުރީ ބަންދުގެ މުއްދަތު އިތުރުކުރަން ކޯޓަށް ގެންދިއުމުން ކަމަށްވެސް މީޑިއާ އޮފިޝަލް ވިދާޅުވިއެވެ.
