ދިވެހި ސަރުކާރާއި ދިވެހި ރައްޔިތުން މިތިބީ ސްރީލަންކާގެ ސަރުކާރާއި އަދި ރައްޔިތުންނާއެކުގައި ކަމަށް ރައީސް އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
އެމަނިކުފާނު މިމޭރުމުން ވިދާޅުވެފައިވަނީ މިއަދު ހެނދުނު ސްރީލަންކާގައި ދިން ބޮމުގެ ހަމަލާތަކުގައި މަރުވި މީހުންގެ އަދަދު 150 އާއި ގާތްވެފައިވަނިކޮށް އެ ހަމަލާ ކުށްވެރި ކުރައްވައި ކުރެއްވި ޓްވީޓެއްގައެވެ.
ރައީސް ޞާލިޙް ވަނީ މިހަމަލާތަކާއި ގުޅިގެން ވަރަށް ބޮޑަށް ކަންބޮޑުވެވަޑައިގަންނަވާ ކަމާއި ހިތާމަފުޅު ކުރައްވާކަން ހާމަކުރައްވައިފައެވެ. އަދި ރާއްޖެ އަބަދުވެސް ދެމިއޮންނާނީ ޓެރަރިޒަމާއި ދެކޮޅަށް ކަމަށްވެސް ވަނީ ވިދާޅުވެފައެވެ.
Saddened by the horrific events in Sri Lanka this morning. My heartfelt sympathies to all affected by this cowardly act of terror. At this difficult time, I affirm our solidarity with the government and people of Sri Lanka and assure our support in the fight against terrorism.
— Ibrahim Mohamed Solih (@ibusolih) April 21, 2019
