މިސްކިތްތައް އެޅުމަށާއި މަރާމާތު ކުރުމަށް ރައްޔިތުންގެ އެހީތެރިކަމާއި ބައިވެރިވުން އިތުރުކުރުމުގެ ގޮތުން މިއަދު އިސްލާމިކް މިނިސްޓްރީން ކުރިއަށް ގެންދިއަ "ދަރުމަ ކަމާކެމި ޕްރޮގަރާމް މާދަމާ މެންދުރު 1.00 އިން ފެށިގެން ހަވީރު 6.00 އަށް ކުރިއަށް ގެންދަން އިސްލާމިކް މިނިސްޓްރީން ނިންމައިފިއެވެ.
މިނިސްޓަރ ޑރ. އަޙްމަދު ޒާހިރު ޢަލީ ވިދާޅުވީ 1 ދުވަސް އިތުރު ކުރެއްވީ މިއަދު މޫސުން ގޯސްވުމުގެ ސަބަބުން ޙަރަކާތުގައި ބައިވެރިވެ އެހީތެރިކަން ފޯރުކޮށްދޭން ބޭނުންވެގެން ތިބި ގިނަ ބައަކަށް ހަރަކާތުގައި ބައިވެރި ނުވެވުމުގެ ސަބަބުން ކަމަށެވެ.
އިސްލާމިކް މިނިސްޓްރީން ހިންގާ މި ޕްރޮގްރާމުގެ ތެރެއިން ވަނީ އެ މިނިސްޓްރީން ހިންގަން ބޭނުންވާ ދީނީ ޕްރޮގްރާމްތަކަށް އެހީތެރިވުމުގެ ފުރުޞަތުވެސް ޢާންމުކޮށް ހުޅުވާލައިފައެވެ.
