ހިތެއް އޮތް ނަމަ މި ކުއްޖާ ނުވަތަ މިހާލުގައި ތިބޭ ކުދިން ފެނުމުން އަސަރުކުރާނެއެވެ. ވީމާ ތިބާއަކީ ތިބާގެ ދަރިފުޅު އެކަނިވެ، މިގޮތަށް ފާރުގަ ލެގިގެން ރޯން ހުންނަން ތިބާގެ ސަބަބުން ޖައްސުވާ މީހަކަށް ނުވާށެވެ! އެކަމަށް އެންމެން ޢަޒުމް ކަނޑައަޅައި މަސައްކަތް ކޮށްފިނަމަ މިފަދަ ކުދިން ފެންނާނީ ވަރަށް މަދުންނެވެ.
މިފަދަ ޙާލަތެއް ތިމާގެ އަމިއްލަ ދަރިފުޅަށް މެދުވެރިވުމުން ކުރާނެ އަސަރު އިޙްޞާޞް ކުރެވޭ މީހާ ދަރިން ދޫކޮށް އެކަނިކޮށް ނުލާށެވެ. ތިމާ ވީ ޙާލެއްގައި ދަރިން ގޮވައިގެން ދިރިއުޅެން މަސައްކަތްކުރާށެވެ. އަދި މިފަދަ ޙާލުގައި ހުރި ކުއްޖަކު ފެނިއްޖެ ނަމަ ތިމާގެ ދަރިއަކު ފަދައިން އެހީތެރިކަން ފޯރުކޮށްދޭށެވެ. އެކަމުގެ ސަބަބުން ތިބާއަށް ހީވެސް ނުކުރެވޭހައި ގިނަގުނަ ނިޢްމަތްތައް ﷲ ތަޢާލާ ދެއްވަވާނެތެވެ. ތިބާއަކަށް ހަމަ އެންމެ ފައިސާފޮތްޗެއްވެސް މަދެއް ނުވާނެއެވެ. ވާނީ ގިނައެވެ. އިން ޝާ ﷲ!
ސީރިޔާ، ފަލސްޠީން، ޔަމަން ފަދަ މުސްލިމް ގިނަ ޤައުމުތަކެއްގައި މައިން ބަފައިން މަރުވުމުން މިޙާލުގައި ދިރިއުޅެން ޖެހިފައިވާ އެތައް ހާސް ކުދިން އެބަތިއްބެވެ. އެކުދިންނާއި އެހީތެރިވެވޭނެ ގޮތް މިއަދު އޮންލައިންކޮށް މިވަނީ ހަމަޖެހިފައެވެ. ރައްޓެހިންނާއިއެކު ބޯ އެއް ކޮފީ ދޫކޮށްލައި އެ ފައިސާކޮޅު ޞަދަޤާތް ކޮށްލި ނަމަވެސް އެކަމުގެ ސަވާބާއި ދަރުމަ ހާދަ މަތިވެރިވާނެއެވެ!
