"ދިވެހި ރައްޔިތު މީހާގެ ސާދާ ދިރިއުޅުމަށާއި، މުސްލިމް މުޖުތަމައު އަށް ލޯކަލް ޓޫރިޒަމްގެ ތެރެއިން އޮރިޔާން ކަޝްފްކޮށްގެން އުޅެމުންދާ ގެސްޓް މީހާގެ ސަބަބުން ކުރަމުންދާ ނޭދެވޭ އަސަރާ ގެއްލޭ މިނިވަންކަން އިޢާދަ ކުރުމުގެ މަޝްވަރާ ބައްދަލުވުން ޓޫރިޒަމް މިނިސްޓަރާއިއެކު ދިއައީ ވަރަށް އުންމީދީކޮށް!" ކަމަށް ޢަބްދުﷲ ބިން މުޙައްމަދު އިބްރާހީމް ވިދާޅުވެއްޖެއެވެ.
ޓޫރިޒަމް މިނިސްޓަރު ޢަލީ ވަޙީދު އާއިއެކު ސަލަފުން ބޭއްވި މިބައްދަލުވުމުގައި ދީނީ ޢިލްމްވެރިޔާ ޝައިޚް އަޙްމަދު ސަމީރު ވެސް ބައިވެރިވެވަޑައިގެންނެވިއެވެ.
މީހުން ދިރިއުޅޭ ރަށްތަކުގައި މި މައްސލަ ބޮޑުވެފައިވާއިރު މިކަމަކީ ހުލުމާލޭ ބީޗްގައިވެސް އިންތިހާއަށް ބޮޑުވެފައިވާ މައްސަލައެކެވެ. ބީޗް ސަރަހައްދުގައި ކެފޭތައް ހުރުމުން ކުރިމަތިވާ ދަތިތަކަށްވުރެ ޢާއިލާ މޫދަށްދާއިރު ޢައުރަ ދައްކައިގެން މޫދާއި ބީޗްގައި ފަތުރުވެރިން އުޅުމުން ކުރިމަތިވާ މައްސަލަތައް މާބޮޑުކަމަށް ގިނަ ބައަކު ދަނީ ބުނަމުންނެވެ.
