ﷲ އާއި އެކަލާނގެ ރަސޫލާ (ޞޢވ)އާއި އެކަލާނގެ އާޔަތްތަކާއި ޝަރީޢަތާއި ޙުކުމްތަކަށް ފުރައްސާރަކޮށް މަލާމަތްކުރުމަކީ ކަނޑައެޅިގެން ކުފުރުވާނެ ކަމެއް ކަމަށް ޝައިޚް މުހައްމަދު ލަޠީފް ވިދާޅުވެއްޖެއެވެ.
މިމޭރުމުން ވިދާޅުވުމަށްފަހު ޝައިޚް މުޙައްމަދު ލަޠީފް އެކަމުގެ ހެކި ދައްކަވާފައިވަނީ ކީރިތި ޤްރްއާނުން ފެންނަން އޮތް އާޔަތަކުންނެވެ. އެހެންކަމުން މިބާވަތުގެ ކަންކަމުގައި އާޔަތް ނުފެނިގެން އުޅޭ މީހުންނަށް ވެސް މި އާޔަތް ފެންނާނެ ކަމަށް އުންމީދުކުރެވެއެވެ. ނަމަވެސް ފެންނާނީ ކީރިތި ޤްރްއާން ހުޅުވައި ތައުބާ ސޫރަތުގެ 64 65 66 ވަނަ އާޔަތް ބަލަފިނަމައެވެ.
"ކަލޭގެފާނު ވިދާޅުވާށެވެ! ތިއަ ބައިމީހުން ތިއަ މަލާމާތްކޮށް އުޅެނީ ﷲ އަށާއި އެކަލާނގެ އާޔަތްތަކާއި އެކަލާނގެ ރަސޫލާއަށް ހެއްޔެވެ؟ ތިއަބައިމީހުން ޢުޛްރު ނުދައްކާށެވެ! ހަމަ ކަށަވަރުން ތިއަބައިމީހުން އީމާންވުމަށްފަހު ތިއަތިބީ ކާފިރުވެފައެވެ."
ޝައިޚް ލަޠީފް ވިދާޅުވީ މިއާޔަތުގައި ﷲ އާއި ކީރިތި ޤްރްއާން ހިމެނުމުގެ އިތުރުން ރަސޫލް (ޞޢވ) ހިމަނުއްވަވާފައި އޮތުމުން އިތުރު އެކަލޭގެ ސުންނަތް ހިމެނޭނެ ކަމަށް އެހެންކަމުން ސުންނަތަށް ފުރައްސާރަކުރުން ވެސް ހިމެނޭނެ ކަމަށެވެ. އަދި ހަމަ އެއާއިއެކު އިސްލާމީ ޝަރީޢަތް ފަތުރުއްވަން މަސައްކަތް ކުރައްވަވާ ދީނީ ޢިލްމުވެރިންނަށް ފުރައްސާރަކުރުން ވެސް ހިމެނޭނެ ކަމަށެވެ.
މީގެ އިތުރުން އޭނަ ބުނީއޭ މީނަ ބުނީއޭ ކިޔައިގެން އިސްލާމް ދީނަސް ފުރައްސާރަ ކުރާ މީހުންގެ ވާހަކަތައް ތައުބާ ސޫރަތުގެ 65 ވަނަ އާޔަތުގައި ﷲ ތަޢާލާ ވަނީ ވަޙީ ކުރައްވަވައިފައެވެ.
އެފަދަ މީހުންނާއި ދައުލަތުގެ މުއައްސަސާތަކުން ސުވާލުކުރުމުން ދޭނެ ޖަވާބުވެސް އެ އާޔަތުގައި ވަނީ ބަޔާން ކުރައްވަވައިފައެވެ. "ހަމަކަށަވަރުން، ކަލޭގެފާނު، އެއުރެންނާއި ސުވާލުކުރައްވައިފިނަމަ، އެއުރެން ދަންނަވާނެކަން ކަށަވަރެވެ. ހަމަކަށަވަރުން، ތިމަންމެން ހަމައެކަނި ވާހަކަ ދައްކާލައި، ކުޅިވަރު ކުޅޭކަމުގައިވީމުއެވެ.
