ފަތުރުވެރިކަމާއި ގުޅުންހުރި ބައެއް ޤަވާއިދުތަކާއި އުޞޫލުތަކަށް ޚިޔާލު ހުށަހެޅުމުގެ މުއްދަތު ޓޫރިޒަމް މިނިސްޓްރީން އިތުރުކޮށްފިއެވެ. މިމަހުގެ 20 ވަނަ ދުވަހު 7 ދުވަހުގެ މުއްދަތަށް ހުޅުވައިލި ފުރުޞަތު މިހާރު ވަނީ އަންނަ ފެބްރުއަރީ މަހުގެ 20 ވަނަ ދުވަހަށް އިތުރުކޮށްފައެވެ.
ޓޫރިޒަމް މިނިސްޓްރީން ބުނެފައިވަނީ ޚިޔާލު ހުށަހަޅަން ބޭނުން ފަރާތްތަކުން މިމަހުގެ 20 ވަނަ ދުވަހުން ފެށިގެން ފެބްރުއަރީ މަހުގެ 20 ވަނަ ދުވަހަށް ޚިޔާލު ހުށަހެލޭނެ ކަމަށެވެ. އަދި މުއްދަތު އިތުރުކުރީ މިކަމަށް ލިބެމުން އަންނަ ތަރްހީބް ބޮޑުވުމުން ގިނަ ބައަކަށް ފުރުޞަތު ދިނުމަށް ކަމަށެވެ.
ފަތުރުވެރިކަމުގެ ސިނާއަތުގެ ކަންކަން އިޞްލާޙްކޮށް ބަދަލުކުރަން މަސައްކަތް ކުރަމުން އަންނަނީ ޢާންމުންނާއި ސިނާއަތުގެ ސްޓޭކް ހޯލްޑަރުންގެ ބައިވެރިވުމާއިއެކުގައި ކަމަށްވެސް ޓޫރިޒަމް މިނިސްޓްރީން ވަނީ ބުނެފައެވެ.
