ލިޔުނީ؛ ޒިދާން މުހައްމަދު
ސަލާމާތާއި ރައްކާތެރިކަމަށް ކުރަންޖެހޭ ކަންކަން ސަރުކާރުން ކުރާނެ ކަމަށް ޓޫރިޒަމް މިނިސްޓަރު އަލީ ވަހީދު ވިދާޅުވެއްޖެއެވެ. މިނިސްޓަރި މިހެން ވިދާޅުވެފައި ވަނީ އެމަނިކުފާނު ކުރެއްވި ޓްވީޓެއްގައެވެ.
އަލީ ވަހީދު މި ޓްވީޓުކުރެއްވީ މިހަފްތާ ތެރޭގައި ތިން ޓޫރިސްޓަކު ރާއްޖޭގައި ގެނބިގެން މަރުވެފައިވާ ދަނޑިވަޅެއްގައެވެ. މިނިސްޓަރުގެ ޓްވީޓުގައި ވިދާޅުވީ ހިތާމަވެރި ހާދިސާތަކުން ރައްކާތެރިވުމަށްޓަކައި، އެންމެންގެ އެއްބާރުލުން ބޭނުންވާ ކަމަށާއި، ސަލާމަތާއި ރައްކާތެރިކަމަށްޓަކާ ކުރަން ޖެހޭ ކަންކަން މި ސަރުކާރުން ކުރާނެ ކަމަށެވެ. އެގޮތުން ގަވައިދުތަކަށް ގެންނަންޖެހޭ ބަދަލުތައް ވެސް ގެންނާނެ ކަމަށް މިނިސްޓަރު ވިދާޅުވިއެވެ.
"ހިތާމަވެރި ހާދިސާތަކުން ރައްކާތެރިވުމަށް ހުރިހާ ފަރާތެއްގެ އެއްބާރުލުން ބޭނުން. ޤާނޫނާ ޤަވައިދުތައް އިސްލާޙް ކުރެވޭނެ. ސަލާމަތާއި ރައްކާތެރިކަމަށް މި ސަރުކާރުން ކުރަންޖެހޭ ކަންކަން ކުރާނަން އިންޝާ ﷲ." އަލީ ވަހީދުގެ ޓްވީޓުގައި ވިދާޅުވިއެވެ.
