އަމީނީ މަގު ޒަމާނީ ފެންވަރަށް ތަރައްގީކޮށް މަރާމާތުކުރުމުގެ މަޝްރޫއުގެ ތެރެއިން ދެވަނަ ސެގްމަންޓުގައި ތާރު އެޅުމުގެ މަސައްކަތް އެއްކޮށް ނިންމާލައިފިއެވެ.
މި މަޝްރޫއުގެ ދަށުން ފުރަތަމަ ސެގްމަންޓުގައި ތާރު އެޅުމުގެ މަސައްކަތް ނިންމާލާފައިވަނީ މި ހިނގާ މަހުގެ 15 ވަނަ ދުވަހުއެވެ. އޭގެ ފަހުން ކުރިއަށް ގެންދިޔަ ދެވަނަ ސެގްމަންޓުގެ މަސައްކަތްތައް ވެސް މިހާރު ވަނީ ކާމިޔާބުކަމާއެކު ނިންމާލެވިފައެވެ.
މިކަމާ ގުޅިގެން އެމްޓީސީސީން ހާމަކޮށްފައިވާ ގޮތުގައި، އަމީނީ މަގުގެ ދެވަނަ ސެގްމަންޓުގައި ތާރު އެޅުމުގެ މަސައްކަތް މިހާރު ވަނީ ފުރިހަމަކުރެވިފައިކަމަށެވެ.
އެ ކުންފުނިން އިތުރަށް ފާހަގަކުރި ގޮތުގައި، "މަގުތަކުގެ އުމްރާނީ ފެންވަރު ރަނގަޅުކުރުމަށް ކުރިއަށްގެންދެވޭ މި ތަރައްގީގެ ސަބަބުން މާލޭގެ ރައްޔިތުންނަށް ދަތުރުފަތުރު ކުރުމުގައި ލުއިފަސޭހަކަމާއި އޮމާންކަން ލިބިގެންދާނެއެވެ. އަދި މިއީ މާލެއަކީ ފަސޭހައިން ގުޅާލެވިފައިވާ އަދި ވާސިލުވެވޭނެ ހިތްފަސޭހަ ސިޓީއަކަށް ހެދުމަށް އެޅިގެންދާ މުހިންމު ބާރެކެވެ."
