ސޯޝަލް މީޑިއާގައި މިއަދު އެންމެ ބާރަށް ފެތުރޭ އެއް ފޮޓޯއަކީ ޖަލާލުއްދީން މިސްކިތް ކުރިމައްޗަށް ކުނިތަކެއް އަލާފައިވާ ފޮޓޯއެކެވެ.
މާދަމާ މިސްކިތް ތެރެއަށް ކުނި އެޅުމަކީވެސް ހަމަ ގާތް ކަމެކެވެ. އެހެނީ މިސްކިތަށް އެއްވެސް ޙުރުމަތެއް ހުރި މީހަކު އެފަދަ ކަމެއް ނުކުރާނެތީއެވެ.
ރާއްޖޭގެ ވެރިން ލާދީނީ ވުމުން އެކަމުން ހިތްވަރު ލިބި ބައެއް ގެތަކުގައި ހުރި މުޞްޙަފްތައް ގެންގޮސް ކުނި ގޮނޑަށް އުކައިލީ މީގެ 9 އަހަރު ކުރިންނެވެ. އެދުވަސް ހަނދާން ހުރި މީހުން އަދި ވަރަށް ގިނަވާނެއެވެ. އެއީ އެހައިތަނަށް ރާއްޖޭގައި ދުވަހަކުވެސް ކޮށް އުޅުނު ކަމެއް ނޫނެވެ. އަދި އެއިރުވެސް އިސްލާމިކް މިނިސްޓްރީން ގެންދިއައީ ނައްތައިލުމަށްޓަކައި ބައު މުޞްޙަފްތައް ގެންދިއުމުން ޙަވާލުވަމުންނެވެ.
ރާއްޖޭގައި މިހާރު ކަންކަން ފެންނަމުން މިދާގޮތުން އެދުވަސް އަލުން ފެނުން މިވަނީ ދާދިގާތުގައި ކަމަށް ގިނަ ބައަކު ދަނީ ބުނަމުންނެވެ.
