އިންސާނާގެ ހިތް ފަޅައި ނުބެލި ނަމަވެސް އެމީހަކު އަބަދު ދައްކާ ވާހަކަތަކުންނާއި ކުރާ އަމަލުތަކުން އެމީހަކީ ކޮން ޒާތެއްގެ، ކޮން ފިކުރެއްގެ މީހެއްކަން، ދެނެގަނެވޭނެ ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.
ޝައިޚް ޢަލީ ޒައިދު ވިދާޅުވީ އެފަދަ މީހުންނަށް އެމީހުންނަކީ ލާދީނީ މީހުން ކަމަށް ބުނަނީ ހަމަ ބުނަންވެގެން ކަމަށެވެ.
"މީހުން ލާދީނީ އޭ ވެސް ބުނަނީ ހަމަ ބުނަންވެގެން! ޝަހާދަތް! (ޝަހާދަތް ފަދަ ތެދެއް) އިންސާނާގެ ހިތް ފަޅައި ނުބެލި ނަމަވެސް އެމީހަކު އަބަދު ދައްކާ ވާހަކަ އާ އަމަލުން އެމީހަކީ ކޮން ޒާތެއްގެ، ކޮން ފިކުރެއްގެ މީހެއްކަން، ދެނެގަނެވޭނެ! ހެޔޮ ބަސް ބުނުމުގެ ތައުފީޤް އަޅަމެންނަސް ދެއްވަވާށި! އާމީން."
ޝައިޚް ޢަލީ ޒައިދު މިމޭރުމުން ވިދާޅުވެފައިވާއިރު ޒިނޭ ކުރުމަށް ހިތްވަރު ދިނުން ފަދަ ކަންކަން ރާއްޖޭގެ ސިޔާސީ އިސް ބައެއް ފަރާތްތަކުން ގެންދަނީ ކުރަމުންނެވެ. ހަމައެފަދައިން މަސްތުވާތަކެތި ބޭނުން ކުރުމަށް ހިތްވަރުދީ ރާއްޖޭގެ 2 ރައީސަކު ވަނީ ވާހަކަ ދައްކަވައިފައެވެ.
ދަރިވަރުން މސްތުވާތަކެތި ބޭނުންކޮށް މުޖުތަމައުން ބާކީ ވަނީ ހެނދުނުގެ ނާސްތާ ނުލިބޭތީކަން ދޭހަވާ ގޮތަށް ވެސް ދާދިފަހުން ފަހުން ރާއްޖޭގެ އެންމެ އިސް އެއް ބޭފުޅަކު ވާހަކަފުޅު ދައްކަވައިފައެވެ.
އެއީ ޙަޤީޤަތެއް ނަމަ ރާއްޖޭގައި އެންމެ ފަހުން ބޮޑުވަޒީރުކަން ކުރެއްވި ބޮޑުވަޒީރުގެ ދަރިކަލަކާއި ޜާއްޖޭގެ އެންމެ ބޮޑެތި ވިޔަފާރިވެރިންގެ ދަރިން މަސްތުވާތަކެތި ބޭނުންކުރަނީ ކީއްވެގެން ކަމާއިމެދު ސުވާލު އުފެދެއެވެ. ރާއްޖޭގެ ރައީސުލްޖުމްހޫރިއްޔާކަން ކުރެއްވި ބޭފުޅުންގެ ޢާއިލާގެ ބޭފުޅުން މަސްތުވާ ތަކެތި ބޭނުންކުރީ ކީއްވެގެން ކަމާއިމެދު ވެސް ސުވާލު އުފެދެއެވެ.
