ރާއްޖެ އާއި އަބޫދާބީ އާއި ދެ ޤައުމު ދެމެދު ގުޅުން އިތުރަށް ހަރުދަނާކުރުވިދާނެ ދާއިރާތަކާއި ދިވެހިރާއްޖޭގެ ތަރައްޤީގެ މަޝްރޫއުތަކާއި ގުޅޭގޮތުން އަބޫދާބީގެ ވަލީއަހުދު އަދި ޑެޕިއުޓީ ސުޕްރީމް ކޮމާންޑަރ އޮފް ޔޫ.އޭ.އީ ހިޒް ހައިނަސް ޝެއިޚް މުޙައްމަދު ބިން ޒަޔެދް އަލް ނަހްޔާންގެ އޮފީހުގެ އެޑްވައިޒަރ ޑރ. ޖާބިރު ބިއްތަރް އާއި މަޝްވަރާކޮށްފިއެވެ.
މަޝްވަރާތައް ކުރައްވާފައިވަނީ ޚާރިޖީ ވަޒީރު ޢަބްދުﷲ ޝާހިދު، އަބޫދާބީގެ ވަލީއަހުދު އަދި ޑެޕިއުޓީ ސުޕްރީމް ކޮމާންޑަރ އޮފް ޔޫ.އޭ.އީ ހިޒް ހައިނަސް ޝެއިޚް މުޙައްމަދު ބިން ޒަޔެދް އަލް ނަހްޔާންގެ އޮފީހުގެ އެޑްވައިޒަރ ޑރ. ޖާބިރު ބިއްތަރް އާއިއެކު ބޭއްވެވި ބައްދަލުކުރެއްވުމުގައެވެ.
މިނިސްޓަރ ޝާހިދުގެ އަރިހުގައި ސްޓޭޓް ޓްރޭޑިންގ އޯގަނައިޒޭޝަންގެ ޗީފް އެގްޒެކެޓިވް އޮފިސަރ އަދި މެނޭޖިންގ ޑިރެކްޓަރ ހުސައިން ޢަމްރު މުޙައްމަދު ރަޝާދު އާއި މިނިސްޓަރ އޮފް ފޮރިން އެފެއާޒްގެ ޑިރެކްޓަރ، އަލްފާޟިލް ޢަބްދުލްވާރިޡް ސަޢީދު ބައިވެރިވެވަޑައިގެންނެވިއެވެ.
